नेपालमा बसेर रोमानियांबाट पोर्चुगल मानव तस्करी,१० लाख खर्च जेलको बसाई


पिपुल नेपाल संवाददाता,अन्तरास्ट्रिय ब्युरो,१८ साउन।

वैदेशिक रोजगारीको लागि युरोपियन देशहरु नेपाली युवाहरुका लागि ‘ड्रिम’ कन्ट्री हुन थालेका छन। लाखौं खर्च गरेर त्यहाँ पुग्ने नेपालीको संख्या ह्वात्तै बढिरहेको छ।स्वदेशी मेनपावरहरुलाई लाखौं बुझाएर युरोपका विभिन्न देशमा पुगेका युवाहरू श्रम बेच्न पुगेका देशहरूमा पनि दलाहरुबाट ठगिने क्रम बड्न थालेको छ। यस्ता ठगी प्रकरण हरुमा सरकार मौन देखिएको छ।

पछिल्लो समय युरोपेली मुलुक रोमानियांमा ओर्किङ भिसामा पुग्ने नेपाली श्रमिकहरुको संख्या गुणात्मक रुपमा वृद्धि भएको छ। वैदेशिक रोजगार बिभागको पछिल्लो तथ्यांकअनुसार रोमानियांमा मात्रै १२ देखि १५ हजार नेपाली युवाहरुले श्रम बेचिरहेका छन। युरोपियन युनियनको अन्य देशहरुको तुलनामा रोमानियां बिकासउन्मुख राष्ट्र हो र त्यहांका नागरिकहरु अवसरको खोजीमा अन्य मुलुक जाने भएकोले पछिल्लो समय रोमानियांमा नेपाल लगाएत यसिएन मुलुकको श्रमिकहरुको माग बढिनै रहेको छ।युरोपको अन्य मुलुकको तुलनामा लागत दर पनि अलि कम साथै भिसा चान्सेस पनि ९० प्रतिशत रहेको कारण नेपाली मेनपावर हरुमा रोमानियां कामदार पठाउनको लागि प्रतिस्पर्धा नै चलेको छ।

स्वदेशी मेनपावरहरुलाई सरकारी लागत दर भन्दा पनि बीस गुना बढी पैसा बुझाएर,महिनौं कुरेर रोमानियां पुगेका नेपालीहरुले त्यति सुखद जिवान बांचिरहेका छैनन। श्रम सम्झौता अनुसार को पारिश्रमिक नपाउने, सम्झौता अनुसारको काम नपाउने,भाषाको समस्या र स्किल नहुंदा काम पाय पनि तुरुन्तै कार्यक्षेत्रबाट निकालिनु पर्ने समस्याहरू संगसंगै दलालहरुको प्रलोभनमा लाखौं ठगिने क्रम पनि व्यापक रहेको छ।  ठग्नेहरु अधिकाङ्स नेपाली दलालहरुनै हुन। काम लगाईदिने प्रलोभन देखि युरोपका शक्तिशाली मुलुक पठाईदिने प्रलोभनहरु सम्ममा पारि नेपालीहरु ठगिने गरेका छन। त्यस्तै पछिल्लो महिना मात्रै रोमानियांबाट पोर्चुगल लगिदिने बाहानामा ट्रक चढेर हिंडेका चार जना नेपालीहरु चेक रिपब्लिकको जेलामा बिगत तीन हप्तादेखी सजायं भोगिरहेका छन। उनिहरुलाई ट्रक चढाउने बन्दोबस्त मिलाउने एक अर्याल थरका दलाल हुन र उनी नेपालमै बस्छन्। उनले जनही ६ लाख रुपैयाँ लिएर उक्त सेटिङ मिलाएका थिए।अर्याल को नाममा ४ जनाबाट २४ लाख रकम पठाएको प्रमाण प्राप्त भएको छ। २४ लाख रुपैयाँ लिएर अर्याल चुपचाप बसेका छन भने जेलमा सजायं भोगिरहेका युवाहरूलाई कसरी छुटाउने भनेर कसैले पनि ध्यान दिएका छैनन।अझ यसबारे नेपाल सरकार र वैदेशिक रोजगार बिभाग बेखबर रहेको छ।

त्यस्तै रोमानियांबाट विभिन्न माध्यम प्रयोग गरेर पोर्चुगल लगाएतको सम्पन्नसाली मुलुक हिंडेका सयौं नेपालीहरु यतिखेर अस्ट्रियाको श्रणार्थी क्याम्पमा छन् । प्राय रोमानियाबाट ट्रकमा जानेहरु हुन । साथमा भएको पैसा मोबाइल फोन लगाएत सामाग्रीहरु सबै त्यहाँको सुरक्षा निकायले जफत गरेको छ भने नेपाली निकाय लाई भेट्न र सम्पर्क गर्न समेत दिएको छैन भन्ने खबर प्राप्त भएको छ। त्यहाँ बाट विभिन्न बिधि अबलम्बन गरेर निस्किएका हरु यतिखेर बिचल्ली स्थितिमा सडकमै सुतिरहेका छन भन्ने खबर छ। यसबारे परराष्ट मन्त्रालय र वैदेशिक रोजगार बिभागको ध्यान बेलैमा जान जरुरी छ।

पछिल्लो समय युरुपियन मुलुक मार्फत मानव तस्करी हुने देश रोमानियां बनेको छ।यसको निमित्त नेपाल देखि रोमानियां र पोर्चुगल सम्मनै ठुलै गिरोह सकृय रहेको जानकारहरु बताउँछन्। नेपालमा रहने दलालहरुको समुहले जसरी हुन्छ धेरै मान्छे पठाउने,रोमानियांमा हुने गिरोहले त्यहाँबाट भाग्नको लागि सवारी साधनको बन्दोबस्त गर्ने र पोर्चुगलमा हुने गिरोहले पोर्चुगल पुगिसके पछिको जिम्मेवारी लिने सौदामा नेपाली युवाहरूलाई तस्करी गर्ने गरेका छन। यसका लागि नेपाल देखि रोमानियां पुग्नको लागि ५ देखि सात लाख र त्यहाँबाट पोर्चुगल जानको लागि ६ देखि १० लाख सम्म प्रतिब्यक्ती असुल्ने गरेका छन।

यसरी स्वदेशमा श्रम र रोजगारी अभावको कारणले दुख पाएर परदेश हिंड्न वाध्य नेपालीहरुले बिदेशमा पुगेर पनि चयनको जीवन बांच्न पाई रहेका छैनन। युरोपेलि मुलुकहरूमा पुर्‍याउने बाहानामा स्वदेशमा पनि करोडौं ठगी धन्दा चलिरहेको छ। ठगिमा परेकाहरुले न्याय त परै जाओस् उल्टो ठग र दलाल हरुलाई नै राजनीति र सरकारी संरक्षणमा उन्मुक्ति दिने चलन हाम्रै आँखा अगाडी धेरै देखिंदै आएका छन।

युरोपेलि मुकुकहरुमा रोजगारीको आकर्षण देखिए पनि वास्तविकता खाडी मुलुकको भन्दा भयावह र हृदविदारक छ। १०औं लाख रुपैयाँसम्म खर्च गरेर विभिन्न दलाल र मेनपावरहरु मार्फत युरोपियन देशमा वैदेशिक रोजगारीमा जाने सयौं युवा त्यहाँ बिचल्लीमा परेका छन्।अधिकाङ्स श्रम शोषण, जोखिमपूर्ण काम र उच्च लगानीका कारण युरोपमा रोजगारीको सपनामा धेरै युवाहरुको जीवन र भबिस्य बर्बाद भइरहेका छ। सम्बन्धित निकायको ध्यान बेलैमा नजाने हो भने स्थिति झनै बिग्रने र नियन्त्रण बाहिर जाने लक्षण देखिएको छ।

प्रतिक्रिया दिनुहोस्
सम्बन्धित वर्गका समाचारहरू

बाबा मेनपावर बाट दुबई गएका दर्जनौं युवाहरू ४ महिनादेखि अलपत्र,नेपाल झिकाइदिन आग्रह

१२असोज,काठमाडौं । नयाँ बानेश्वरमा रहेको बाबा ह्युमन रिसोर्स म्यानेजमेन्ट प्रा.लि बाट मोटरसाइकल राईडिङमा काम गर्न

सरकार भ्रष्ट भयाे : रवीन्द्र मिश्र

By Peoplenepal काठमाडौँ, १२ असोज । राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष रवीन्द्र मिश्रले

मेयर बासुदेव थापाद्धारा नारायण भगवानको दश अवतार मन्दिर समुद्घाटन

१२ असोज,भक्तपुर । सुर्यविनायक नगरपालिका ७ गुण्डु कार्की गाउमा नव निर्मित नारायण भगवानको दश अवतार

अमेरिकी सहायक विदेशमन्त्री ट्रुडो काठमाडौँ आईपुगिन

काठमाडौँ, १२ असोज । अमेरिकी विदेश मन्त्रालयको विश्वव्यापी सार्वजनिक मामिला हेर्ने कार्यवाहक सहायक विदेशमन्त्री एलिजावेथ ट्रुडो

अर्जुनबन्धु रेग्मीको दादागिरी,निर्माणकार्यको पैसा माग्दा ज्यानमार्ने धम्की

११असोज,काठमाडौं । सिन्धुज्वाला हाईड्रोका चियरम्यान अर्जुन बन्धु रेग्मीले हाइड्रोपावरको प्रिफ्याब भवन तथा मेसिनरीवाल निर्माण कार्य

सिन्धुज्वाला हाईड्रोमा ब्रम्हलुट,सेयर सदस्यको पैसाले चुर्नप्रसादको पेट्रोल पम्प

१० असोज,काठमाडौं । सिन्धुपाल्चोकको गुम्बा स्थित निसमखोलामा कार्यक्षेत्र हुने गरि दर्ता भएको ४३ मेगावाटको सिन्धुज्वाला