पार्टीको झण्डा बोकेर चुनावमा लाग्ने शिक्षकलाई कारबाही गरीने

बैतडी, चैत २५ – जिल्ला शिक्षा कार्यालय बैतडीले जिल्लामा कार्यरत शिक्षकहरुलाई चुनावी प्रचारप्रसारमा नलाग्न आग्रह गरेको छ ।

निर्वाचन आचारसंहिता विपरीत पार्टीको झण्डा बोकेर चुनावी प्रचारप्रसारमा शिक्षक लागेको पाइएमा कारबाही हुने जिल्ला शिक्षा अधिकारी लालसिंह टेरले जानकारी दिनु भयो । शिक्षकहरुले आफ्नो पेशागत मर्यादाभन्दा बाहिर रहेर सभासम्मेलनमा पार्टीको झण्डा बोके आचारसंहिता विपरीत काम गरेमा कारबाही गरीने उहाँले बताउनु भयो ।

पछिल्लो समयमा शिक्षकलगायत सरकारी कर्मचारीहरु पार्टीको प्रचारप्रसारमा बढी केन्द्रीत हुने गरेका छन् । चुनाव नजीकिएसंगै कर्मचारीहरु पार्टीको झण्डा बोक्दै चुनावी प्रचारमा लागेकाले जिल्लामा कार्यरत कर्मचारीलाई प्रचारप्रसारमा नलाग्न जिल्ला शिक्षा कार्यालय बैतडीले आग्रह गरेको छ ।

 

photo

NOC1-250x300