पश्चिम बंगालमा कांग्रेस र तृणमूल कांग्रेसबीच भिडन्त, तीनको मृत्यु

शनिबार हत्या हुने सोहेल राणा र खैरुद्दीन शेख अल्ताफका छोरा र भाइ हुन। घटनापछि यस इलाकामा ठूलो मात्रामा प्रहरी परिचालन गरिएको छ। तृणमूलले आफ्ना कार्याकर्ताको हत्याको पछाडि कांग्रेसको हात रहेको आरोप लगाएको छ।

घटनाका बारेमा खैरुद्दीनका छोराले भने, ‘हामी घरमा सुतिरहेका थियौँ, अचानक बम हमाला भयो। उनीहरुले बाबामाथि हमाला गरे।’ उनले केही दिन पहिले काका अल्ताफको हत्या पनि उनीहरुले नै गरेको र उनीहरु कांग्रेसको कार्यकर्ता भएको बताए।

लोकसभाको निर्वाचनपछि पनि पश्चिम बंगालमा हिंसाको शृंखला नजारी छ। चुनावपछाडि मात्रै १० राजनीतिक कार्यकर्ताको मृत्यु भएको र मृत्यु हुनेमा धेरैजसो तृणमूलका कार्यकर्ता भएको बताइएको छ।

पीश्चम बंगालमा अहिलेसम्म भारतीय जनता पार्टी र तृणमूल कांग्रेसकाबीच झडप हुँदै आएको थियो। शुक्रबार मात्र मुख्यमनत्री ममता बेनर्जीले भाजपाप्रति आक्रमक रुपमा प्रस्तुत भएकी थिइन्। उनले आफ्नो राज्यलाई गुजरात बन्न नदिने उद्घोष गरेकै भोलिपल्ट उनका तीन कार्यकर्ताको हत्या भएको हो।