पदाधिकारी र सदस्यको संख्या थप्ने ओलीको प्रस्ताव पारित

मंसिर ११,  चितवन: एमाले केन्द्रीय कमिटीको बैठकले केन्द्रीय पदाधिकारी र सदस्यहरूको संख्या थप्न अध्यक्ष केपी शर्मा ओलीले राखेको प्रस्तावलाई सर्वसम्मत रूपमा पारित गरेको छ ।

शुक्रबार राति चितवनको सौराहामा बसेको बैठकले ओलीले राखेको प्रस्तावलाई पारित गरेको एमाले पार्टी कार्यालयका सचिव शेरबहादुर तामाङले जानकारी दिए ।

जसनुसार अब एमालेमा केन्द्रीय कमिटी ३०१ सदस्यीय हुनेछ । यस्तै पोलिट्ब्युरोमा ९९, स्थायी कमिटी ४५, पदाधिकारी (सचिवालय) १९, अध्यक्ष १, वरिष्ठ उपाध्यक्ष १, उपाध्यक्ष ६, महासचिव  १, उपमहासचिव ३, सचिव ७ जना रहने छन् ।

अनुशासन आयोग, लेखा आयोग र निर्वाचन आयोगलाई २५ सदस्यीय बनाउने प्रस्ताव पारित गरिएको छ ।

अब पारित प्रस्तावलाई महाधिवेशनमा लैजाने प्रचार विभाग प्रमुख योगेश भट्टराईले बताए ।  उनले शुक्रबारको बैठकले एमालेमा सहमतिको बाटो बनेको बताए । 

 

 

photo

NOC1-250x300