पत्रपत्रिकाको फ्रन्टपेजः स्थानीय निर्वाचन एकै चरणमा, आज मिति घोषणा हुने

९ फागुन, काठमाडौं । सोमबार काठमाडौंबाट प्रकाशित सबैजसो दैनिक पत्रपत्रिकाको फ्रन्टपेजमा सरकारले आज स्थानीय निर्वाचनको मिति घोषणा गर्ने समाचारलाई स्थान दिएका छन् ।

अख्तियार कर्मचारी भन्दै ठगी गर्नेलाई प्रहरीले शनिबार जितपुरबाpatrapatrika-bimal-250x150ट पक्राउ गरेको छ । प्रसौनी २ मा बस्दै आएका विजेन्द्र चौधरीलाई पक्राउ गरिएको खबर आजको कान्तिपुरमा छ ।

ठगीको घटना सर्लाहीमा भएकाले उनलाई त्यहीँको प्रहरीलाई जिम्मा लगाइएको छ । प्रहरीका अनुसार उनको डेरामा छापा मार्दा मोनिटर, मोबाइल ट्याब, सरकारी नम्बर प्लेट राखिएको २ सय २० सिसीको पल्सर बाइक, सञ्चार सेट (वाकीटकी) र एक लाख ९० हजार लगायत बरामद गरिएको छ ।

नेपाली सेनाको कम्ब्याट पोसाक, निजामती कर्मचारीले लगाउने सरकारी पोसाक, प्रहरीले लगाउने वर्दी र बुट, नेपाली सेनाको नक्कली परिचयपत्र, अरुको नामको सवारी लाइसेन्स समेत बरामद गरिएको प्रहरीले जनाएको छ ।
चौधरीले सर्लाही हरिऔनबाट तीन लाख रुपैयाँ बराबरको ठगी गरेर फरार भएपछि उनको खाजी सुरु गरिएको हो ।

यससँगै पूर्वाधार सम्मेलनमा भारतीय रेलमन्त्री सुरेश प्रभाकर प्रभुले दिल्ली र कोलकताबाट काठमाडौंमा रेल ल्याउने प्रस्ताव गरेको समाचारलाई खास महत्व दिएको नयाँ पत्रिका दैनिकले ट्यांकर चालकको हडतालले इन्धन अभाव भएको समाचारलाई फ्रन्टपेजमा छापेको छ ।

 

अन्नपूर्ण पोस्ट् दैनिकले  ‘पूर्वाधार विकासमा निजी क्षेत्रको आस’ शीर्षकको समाचारलाई महत्व दिएको छ ।

हुचर्चित बुढीगण्डकी जलासययुक्त जलविद्युत् आयोजनाको मुआब्जा वितरणमा आलटाल भइरहेको छ । गत मंसिरमा जिल्ला प्रशासन कार्यालयले मुआब्जाका लागि आवेदन माग गरे पनि अहिलेसम्म मुआब्जा वितरण भएको छैन । मुआब्जा वितरणका लागि यस वर्ष सरकारले पाँच अर्ब रुपैयाँ निकासा गरेको थियो । मुआब्जा वितरण नहुँदा आयोजनाको बाँकी कामसमेत अघि बढ्न सकेको छैन । आजको अन्नपूर्ण पोष्टमा खबर छ ।

मुआब्जा निर्धारण समितिले पहिलो चरणमा घ्याल्चोक, भुम्लिचोक र दर्बुङ गाविसका डुबानमा पर्ने जग्गाको मुआब्जा निर्धारण गरेको थियो । मुआब्जा निर्धारण गरेर रकम लिन आउन आवेदन माग गरे पनि समितिले काम सुरु नगरेको हो । आन्तरिक काम बाँकी रहेकाले मुआब्जा वितरणमा ढिलाइ भएको गोरखाका प्रमुख जिल्ला अधिकारी जितेन्द्र बस्नेतले स्वीकार गरे ।

‘वितरणको अन्तीम तयारीमा छौं’, मुआब्जा समितिका संयोजक प्रजिअ बस्नेतले भने, ‘केही आन्तरिक काम बाँकी भएर समय लागेको हो ।’ उनले डुबानमा पर्ने र नपर्ने कित्ताकाटको काम बाँकी रहेको बताए । ‘एउटै कित्ता जग्गा पनि केही डुबान र केही बाहिर छ । त्यो छुट्टयाउन बाँकी छ । अनि सडकले चर्चेको जग्गा पनि छुट्टयाउनु पर्नेछ’, उनले भने, ‘साँझ बिहान गरेर काम गर्दै हुनुहुन्छ । त्यसैले ढिला भएको हो ।’ अहिलेसम्म करिब एक सय जनाको छुट्टयाइसकेको उनले बताए । यही हप्ताभित्रबाट मुआब्जा बाँड्ने तयारी गरिएको उनले बताए ।

तीन गाविसमा गरी करिब एक हजार दुई सय घरधुरीको घर तथा जग्गा डुबानमा पर्ने जिल्ला प्रशासन कार्यालयले जनाएको छ । उनीहरूमध्ये करिब सात सय जना आवेदन दिन आएका छन् । ‘करिब पाँच सय घरधुरी दर्बुङजस्ता ठूला फाँटमा बस्ने गर्छन्, उनीहरूको आवेदन आएको छैन’, प्रजिअ बस्नेत भन्छन्, ‘उनीहरूले मुआब्जा पुनर्विचारको माग गरेका छन् ।’ उनीहरूको माग पनि माथिल्लो निकायमा पठाएको बस्नेतले बताए ।

पुनर्विचारपछि मुआब्जा बढेर आए अहिले पाइसके पनि थप रकम पाउने उनले बताए । ‘पहिले राजस्व कम तिर्न खेतलाई बारीमा दर्ता गराए, भएको भन्दा कम क्षेत्रफल कायम गरी दर्ता गरे । अहिले धेरै मुआब्जा दाबी गर्न त्यही जग्गालाई खेत कायम गराउन चाहन्छन् । पुनः नापजाँच गरी पुनः क्षेत्रफल कायम गराउन चाहन्छन्’, उनले भने, ‘यस्तै प्राविधिक कामले मुआब्जा वितरणको काम रोकिएको हो ।’

मधेसी मोर्चा पर्ख र हेरको रणनीतिमा भएको समाचारलाई राजधानी दैनिकले प्राथमिकताका साथ छापेको छ ।

नागरिक दैनिकको फ्रन्टपेजमा सहमतिमा ‘लिभिङ टुगेदर’, सम्बन्ध बिग्रिएपछि बलात्कार ! हुने गरेको समाचारले महत्व पाएको छ ।

कुवेतमा ५ नेपालीलाई मृत्युदण्ड सुनाइएको समाचारलाई कान्तिपुर दैनिकले फ्रन्टपेजमा प्रकाशित गरेको छ ।

भारतले पूर्वाधार विकासका लागि साढे ३६ अर्ब ऋण दिने समाचारलाई महत्व दिएको गोरखापत्र दैनिकले डेढ प्रतिशत थ्रेस होल्डको प्रस्ताव भएको समाचारलाई एङ्कर बनाएको छ ।

प्रधानमन्त्री उद्घाटनमा व्यस्त भएकोलाई मुख्य समाचार बनाएको नेपाल समाचारपत्र दैनिकले राजधानीमा प्रदूषण बढेको समाचारलाई फ्रन्टपेजमा स्थान दिएको छ ।

प्रतिक्रिया दिनुहोस्
सम्बन्धित वर्गका समाचारहरू

भक्तपुर क्षेत्र नं. २ प्रदेश (क) मा एमालेका किरण थापा विजयी

८ मंसिर,भक्तपुर । भक्तपुर क्षेत्र नं. २ को प्रदेश सभा (क) मा नेकपा एमालेका उम्मेदवार

माओवादी केन्द्रको गढ मानिने रुकुम पुर्वमा पनि स्वतन्त्र उम्मेदवार विजयी

७ मंसिर,काठमाडौं । पुष्पकमल दाहाल नेतृत्वको माओवादी केन्द्रको गढ मानिने रुकुममा पनि स्वतन्त्र उम्मेदवार सुरल

मतदान कार्यमा जेष्ठ नागरिकहरु उत्साहित,म्याग्दीमा १०७ वर्षीय वृद्धले गरे मतदान

४ मंसिर,म्याग्दी । जारी प्रतिनिधिसभा र प्रदेशसभा सदस्य निर्वाचनअन्तर्गत आइतबार म्याग्दीमा १०७ वर्षीय वृद्धले मतदान

मानव तस्कर राजनीति र फ्री भिसा फ्री टिकट गरिब झुक्याउने नाटक

नेपाली युवाहरूलाई बिश्वका श्रम बजारहरुमा बिक्री गर्नको निमित्त वैदेशिक रोजगार बिभागले स्थापित गरेको फ्री भिसा

मालेमा केन्द्रको चुनाव बहिस्कार कार्यक्रम यथावत,व्याक भोटको प्रचार गरेकोमा आपत्ति

१ मंसिर, हेटौंडा,नेकपा (मालेमा केन्द्र) ले लिएको आगामी संसदीय तथा प्रदेशसभाको निर्वाचन बहिष्कारको निति यथावत