नेप्से ११.९४ अंकले बढ्यो

काठमाडौं, २१ भदौ- शेयर बजार परिसुचक नेप्से बुधबार उकालो लागेको छ । बजारको ठूलो हिस्सा ओगट्ने बैंक र बीमा क्षेत्रमा सकारात्मक प्रभाव पर्दा बुधबार नेप्से ११ दशमलव ९४ अंकले बढेको हो । बुधबार बजार १५६६ दशमलव ५० अंकमा पुगेर रोकिएको छ । क बर्गका कम्पनीहरुको कारोबार मापन गर्ने सेन्सेटिभ इन्डेक्स २ दशमलव ७२ अंकले बढेर ३२८ दशमलव २१ अंकमा पुगेको छ ।

बजारमा लाभांशको समय र घटेको रेटमा शेयर किन्दा फाइदा हुने आँकलन गर्दै लगानीकर्ताको खरिद चाप पर्दा बजार बढेको सापकोटाको भनाई छ । बुधबार १६४ कम्पनीका १६ लाख ४३ हजार कित्ता शेयर ८३ करोड ४३ लाख रुपैयाँमा खरिद बिक्री भयो। आज सबैभन्दा बढी नेपाल इन्भेस्टमेन्ट बैंकको शेयर खरिद बिक्री भयो । बैंकले आजै ४० प्रतिशत लाभांश घोषणा गरेको छ । बैंकको ७ करोड रुपैयाँ बराबरको कारोबार भयो ।

बुधबार उत्पादनमूलक समूह ४८ दशमलव ०२ अंकले घट्यो भने अरु सबै उपसूचक बढेका छन् । बैंक ११ दशमलव ८१, होटल २२ दशमलव ०३, विकास बैंक २० दशमलव ६९, जलबिद्युत ३ दशमलव ०४, फाइनान्स १ दशमलव २२, बीमा ५५ दशमलव २५ र अन्य ९ दशमलव २५ अंकले बढेको छ ।

बुधबार सबैभन्दा बढी महिला सहयात्रा माइक्रोफाइनान्स र आरएसडीसी लघुवित्त वित्तीय संस्थाले करिब १० प्रतिशत कमाएका छन् ।

 

photo

NOC1-250x300