नेकपा सचिवालय बैठक सकियो, स्थायी समिति बैठक अनिश्चित

सत्तारुढ नेकपाको सचिवालय बैठक सकिएको छ । वैशाख २५ गते आयोजना गरिएको स्थायी समितिको बैठकको गृहकार्य नपुगेकोले उक्त बैठक अनिश्चित भएको पार्टी प्रवक्ता नारायणकाजी श्रेष्ठले जानकारी दिए ।

उनले बैठकको गृहकार्य नसिकएकोले अध्यक्षद्वय गृहकार्यमा जुटिरहेको जानकारी दिए । बैठकमा चर्काचर्की भएपछि अध्यक्ष केपी ओली उठेर गएको र उनी नफर्किएकोले बैठक सकिएको हो ।

सत्तारुढ नेकपाको केन्द्रीय सचिवालय बैठकमा दुई समूहबीच चर्काचर्की चुलिएको हो । बैठकमा विवाद बढेपछि पार्टी अध्यक्ष तथा प्रधानमन्त्री केपी ओली बैठक छाडेर बाहिरिएका हुन् ।

बुधबार अपराह्न प्रधानमन्त्रीको सरकारी निवास बालुवाटारमा बसेको बैठकमा अर्का अध्यक्ष प्रचण्ड र वरिष्ठ नेता माधव कुमार नेपाल समूहका नेताहरुले राजीनामाको प्रसंग उठाएपछि अध्यक्ष ओली शयनकक्षतिर हिंडेका हुन् ।

सचिवालय बैठकमा लामो समयसम्म अन्य सदस्यहरुले अध्यक्ष ओलीलाई कुरेका थिए । अहिले अध्यक्षद्वय संवादमा रहेकोले २५ गतेको स्थायी समिति बैठक अनिश्चित भएको श्रेष्ठले जानकारी दिए ।

बैठकमा सहभागी एक नेताका अनुसार दाहाल-नेपाल समूहले एक व्यक्ति एक पदको एजेण्डालाई स्थायी समितिको बैठकमा राख्नुपर्नेमा जोड दिएका थिए । वैशाख २५ गते नेकपाले स्थायी समितिको बैठक बोलाएको छ ।

 

photo

NOC1-250x300