नेकपा सचिवालय बैठक आज बस्दै

whatsapp sharing buttonकाठमाडौं, भदौ १ः सत्तारुढ दल नेपाल कम्युनिष्ट पार्टीको सचिवालय बैठक महिनादिनपछि सोमबार बस्ने भएको छ । आइतबार नेकपाका अध्यक्षद्वय केपी शर्मा ओली र पुष्पकमल दाहाल प्रचण्डले सचिवालय बैठक बोलाएका हुन् ।

उक्त  बैठक बिहान ९ बजेबाट सुरु हुने र बैठकले नेकपाभित्र जारी विवादको समाधानका लागि शुक्रबार गठन भएको ६ सदस्यीय कार्यदललाई अनुमोदन गर्ने बताइएको छ ।

पार्टीभित्र देखा परेको समस्या समाधानका विषयमा छलफल गर्न र त्यसका लागि गठित कार्यदललाई वैधानिकता दिन सचिवालय बैठक बोलाइएको नेकपा प्रवक्ता नारायणकाजी श्रेष्ठले जानकारी दिए ।

प्रवक्ता श्रेष्ठसहित वरिष्ठ नेता झलनाथ खनाल र माधव नेपालले सचिवालय बैठक माग गरेका थिए । पार्टी विवादको समाधानका लागि गठन भएको कार्यदलको वैधानिकतामाथि प्रश्न उठेपछि उक्त बैठक डाकिएको हो ।

यसअघि साउन ३ गते बसेको सचिवालय बैठकमा प्रधानमन्त्री समेत रहेका अध्यक्ष ओलीले मंसिरमा अर्ली महाधिवेशन गर्ने प्रस्ताव पेश गरेका थिए । त्यसयता सो बैठक बस्न सकेको थिएन ।

 

photo

NOC1-250x300