नेकपा र काँग्रेस कार्यकर्ताबीच झडप, गोली चल्दा एकको मृत्यु !

सर्लाहीको रामनगर–४ मा सत्तारुढ नेपाल कम्युनिष्ट पार्टी (ने क पा ) र प्रतिपक्षी नेपाली काँग्रेसका कार्यकर्ताबीच झडप भएको छ । झडपमा गोली चल्दा एक जनाको ज्यान गएको छ ।

सर्लाही जिल्ला प्रहरी कार्यालयका अनुसार स्थानीय ५० वर्षीय रामविलास महतोको ज्यान गएको हो । झडपमा अन्य चार जना घाइते भएका छन् । उनीहरुलाई पनि गोलीको छर्रा लागेको प्रहरीले जनाएको छ ।

यसअघि सोमबार नागरिकता बनाउनका लागि सिफारिस लिन गएको नेकपाको एक समूह र वडाध्यक्ष रामनरेश महतोबीच विवाद भएको थियो । महतो कांग्रेसबाट निर्वाचित वडाध्यक्ष हुन् । त्यही विषयलाई लिए आज झडप भएको प्रहरीले जनाएको छ । गोली कसले चलाएको हो भन्ने खुलेको छैन ।

स्थानीय बासिन्दाले मृतकको शव उठाउन दिएका छैनन् । घटनास्थलमा व्यापकरुपमा प्रहरी परिचालन गरिएको छ ।

 

photo

NOC1-250x300