निर्वाचन सार्ने निर्णय गरेर सरकारले अपराध गर्यो : नेकपा एमाले

cpn-uml-chair-kp-sharma-oli_UPPXeHE3pvकाठमाडौ– नेकपा एमालेले प्रदेश नम्बर २ को निर्वाचन सार्ने सरकारको कदम मुलुकमा विभाजनको मानसिकता तयार गर्ने गम्भिर अपराध गरेको ठहर गरेको छ । सरकार र राजपावीच २ नम्बर प्रदेशको निर्वाचन पछि सार्ने सहमति भएलगत्तै नेकपा एमालेले विज्ञप्ति जारी गरेर कुनै ठोस कारण र औचित्यविना गरेको त्यस्तो निर्णयले मुलुकको राष्ट्रिय एकतालाई कमजोर बनाउनुका साथै विखण्डनकारी तत्वहरुको मनोबल बढाएको जनाएको छ । 

प्रवक्ता योगेश भटराइले जारी गरेको विज्ञप्तिमा भनिएको छ ‘असार १४ गतेका लागि प्रदेश नम्बर १, २, ५ र ७ मा निर्धारित स्थानीय निर्वाचनमध्ये प्रदेश नम्बर २ को निर्वाचन पछाडि सार्ने निर्णयप्रति एमाले गम्भीर आपत्ति प्रकट गर्दछ ।’ 

विज्ञप्तिमा भनिएको छ– प्रदेश नम्बर २ मा निर्वाचन पछि सार्ने कदमले त्यहाँका जनताको आफ्ना प्रतिनिधि आफै छानेर स्थानीय सरकारको अभ्यास गर्ने अधिकार मात्र कुण्ठित गरेको छैन, संविधान कार्यान्वयनमा गम्भीर धक्का पु¥याएको छ । यस घटनाले मुलुकको राष्ट्रिय एकतालाई कमजोर बनाउनुका साथै विखण्डकारी तत्वहरुको मनोबल बढाएको छ । कुनै ठोस कारण र औचित्यबिना निर्वाचन पर सारेर वर्तमान सत्तारुढ गठबन्धनले मुलुकमा विभाजनको मानसिकता तयार गर्ने गम्भीर अपराध गरेको छ ।’ 

एमालेले संविधान र लोकतान्त्रिक प्रणाली कार्यान्वयनमा आघात पु¥याउने यस कदमका विरुद्ध सचेत रहँदै प्रदेश नम्बर २ मा पार्टीका नियमित कामहरु अघि बढाउन मातहत कमिटीहरुलाई निर्देशन दिदै प्रदेश नम्बर १, ५ र ७ मा असार १४ गते हुने निर्वाचनमा सक्रियतापूर्वक लाग्न आमजनसमुदाय, पार्टी मातहत कमिटी तथा नेता–कार्यकर्ताहरुलाई आह्वान गरेको छ । 

 

photo

NOC1-250x300