निर्वाचनका लागि एक लाख ७५ हजार कर्मचारी परिचालित

१७ मंसिर, काठमाडौं : निर्वाचन आयोगले दोस्रो चरणको प्रतिनिधि सभा र प्रदेश सभा निर्वाचनका लागि आजदेखि कर्मचारी खटाउँदै छ । आयोगका अनुसार निर्वाचन हुने ४५ जिल्लामा आजवाट एक लाख ७५ हजार कर्मचारी परिचालन हुँदैछन् ।

बिहीवार हुने दोस्रो चरणको निर्वाचनका लागि खटिने कर्मचारी सदरमुकामवाट निर्वाचन सामाग्री बुझेर मतदान केन्द्रमा खटिन लागेका हुन । प्रत्येक मतदान केन्द्रमा ७ देखि ९ जना कर्मचारी खटाइएको आयोगले जानकारी दिएको छ । आयोगले कर्मचारीलाई निर्वाचनका लागि चाहिने मतपेटिका, मतपत्र, मतदाता परिचयपत्र, स्वस्तिक छाप, मसीलगायत ६७ सामाग्रीसहित मतदान केन्द्रमा खटाउन लागेको हो । सात हजार ७ सय ५२ स्थलका १५ हजार ३ सय ४४ मतदान केन्द्रका लागि आयोगले कर्मचारी खटाएको छ ।

मतदान केन्द्रमा खटिने कर्मचारीले मंगलवार र बुधबार मतदान केन्द्रको निर्माण गर्ने कार्यतालिका छ । उनीहरुले मतदाता शिक्षा कार्यक्रम चलाउनुका साथै मतदाता परिचयपत्र समेत वितरण गर्नेछन् । दोस्रो चरणको निर्वाचनका लागि एक करोड २२ लाखभन्दा बढी मतदाताले प्रतिनिधि सभातर्फ १ सय २८ र प्रदेश सभातर्फ २ सय ५६ सीटका लागि मतदान गर्नेछन ।

पहिलो चरण अन्तर्गत ३२ जिल्लामा भएका चुनावमा करिब ३२ लाख मतदाताले ४ हजार ४सय ६५ मतदान स्थलबाट मतदान गरेका थिए । दोस्रो चरणमा भने १५ हजारभन्दा बढी मतदान केन्द्र कायम गरिएको छ ।

 

photo

NOC1-250x300