‘नलेखिएको इतिहास’ भन्ने आत्मकथाले कारवाही गर्ने भो राधाकृष्ण मैनालीलाई

काठमाडौं । बुधबार शुरु भएको एमाले पोलिटब्यूरो बैठकको शुरुमा अध्यक्ष केपी शर्मा ओलीले समसामयिक राजनीतिक परिस्थिति र तीन दलका शीर्ष नेताबीच भएको वार्ताका बारेRK-Mainaliमा जानकारी गराएलगत्तै बरिष्ठ नेता माधव नेपालले मैनालीको विषय प्रवेश गराएका थिए । नेकपा एमालेले पार्टी नेतृत्वविरुद्ध नियोजित रुपमा विषाक्त प्रचार गरेको भन्दै केन्द्रीय सदस्य राधाकृष्ण मैनालीमाथि कारवाही गर्ने भएको छ । बुधबारबाट शुरु भएको पोलिटब्यूरो बैठकको प्रारम्भमै मैनालीमाथि कारवाहीको प्रशंग उठेको हो ।

 

मैनालीले हालै सार्वजनिक गरेको ‘नलेखिएको इतिहास’ भन्ने आत्मकथामा व्यक्त गरेका दाबी र आरोपलाई एमालेले खारेज गर्दै उनीमाथि कारवाही गर्ने भएको हो ।नेता नेपालले पार्टीको केन्द्रीय समितिमा रहेका मैनालीले सिंगो पार्टीको बदनाम गर्ने ढंगले हुँदै नभएका कुरा ल्याएर अध्यक्ष ओली र आफूसहित अन्य नेतृत्वमाथि हिलो छ्यापेको बताए । नेपालले मैनालीका आरोपको पार्टीले आधिकारिक रुपमै खण्डन गर्दै उनीमाथि कारवाही गर्नुपर्ने प्रस्ताव राखेको स्रोतले  बतायो ।

बुधबारको बैठकमा उपाध्यक्ष बामदेव गौतमले विधिसम्मत ढंगले यो विषयलाई टुंग्याउन सुझाव दिएपछि यसबारे अध्यक्ष ओलीले बोलेका थिए । बैठकमा मैनालीका किताब र अन्तरवार्ताहरुको प्रसंग उप्काउँदै अध्यक्ष ओलीले विषाक्त कुराहरु बाहिर ल्याइएको टिप्पणी गरे । उनले मैनालीमा द्धेष र कुण्ठा विगतदेखि नै रहेको भन्दै अहिले पनि तिनै कुण्ठा र द्वेष पुस्तक तथा अन्तरर्वार्तामा व्यक्त भएको बताए ।

ओलीले बैठकमा भने- ‘उनका अन्तर्वार्ता र पुस्तकका अंशहरु मैले पनि पढेँ, हाम्रा बारेमा जे कुरा भनेका छन्, अधिकांश झूठा छन् । माधव नेपालले च्यासल बैठकमा भारतीय सेना र हतियार ल्याउनुपर्छ भनेको कुरा सरासर गलत हो । खासमा उनीभित्र लामो समयदेखि द्वेष र कुण्ठा थियो, त्यही प्रकट भएको छ ।’

मैनालीले आफूमाथि पुस्तौनी धनका कुरा उठाउने गरेको आरोप लगाएको भन्दै ओलीले त्यसको पनि खण्डन गरे । केपी ओलीले भने- ‘मैनालीहरु हुनेखाने सम्पन्न परिवारकै थिए । म कमजोर परिवारकै हुँ । उनीहरुका चार हल गोरु थिए होलान्, हाम्रोमा २ हल थिए । उनीहरुका मोही थिए, हाम्रा थिएनन् । कुरा यत्ति नै हो ।

मैनालीका बारेमा पोलिटब्यूरो बैठकमै गम्भीर रुपमा कुरा उठेपछि पार्टीले उनका आरोपलाई खारेज गरेर सार्वजनिक रुपमा खण्डन गर्ने निर्णय भएको पोलिटव्यूरो सदस्य अरुण नेपालले बताए । उनले भने- ‘नियोजित रुपमा पार्टीका नेताहरु विरुद्ध विषाक्त ढंगले द्वेष पोख्ने काम भएको छ, उहाँका सबै आरोपलाई खारेज गर्ने निर्णय भयो ।’

स्रोतका अनुसार सार्वजनिक रुपमा मैनालीका आरोपको खण्डन गर्ने र विधानअनुसार उनीमाथि कारवाही अघि बढाउने सहमति एमाले नेतृत्वमा भएको छ । उनीमाथि अनुशासन आयोगले स्पष्टीकरण लिने र त्यसपछि अन्य कारवाही अघि बढ्नेछ ।

नेकपा एमालेका संस्थापक नेता मैनाली ०५९ सालमा पार्टी छाडेर तत्कालीन राजाको शाही कदमको समर्थनमा गएका थिए । उनी ०६१ मा ज्ञानेन्द्र शाहको सरकारमा मन्त्री भएका थिए । गणतन्त्र स्थापनापछि माओवादी प्रवेश गरेका मैनाली करीव एक वर्ष अघिमात्र एमालेमा फर्किएका थिए ।

प्रतिक्रिया दिनुहोस्
सम्बन्धित वर्गका समाचारहरू

सुकुम्बासीहरुलाई तत्काल नहटाउन राष्ट्रिय भुमी आयोगको आग्रह

१६ मंसिर,काठमाडौं । राष्ट्रिय भुमी आयोगले राजधानी काठमाडौंलगायतका ठाउँहरुमा रहेका सुकुम्बासीहरुलाई अहिले नहटाउन आग्रह गरेको

प्रचण्डले विचार र सिद्धान्त छोड्दा सिद्धियो माओवादी !

नेपालमा २०५२ फागुन १ गतेबाट जनयुद्द शुरु भयो । नेकपा माओवादी केन्द्रका अध्यक्ष पुष्पकमल दाहाल

नेस्वहोमयु को ४२ औं वार्षिक उत्सव:श्रमजीवीहरुलाई एकतावद्ध आन्दोलनमा सरिक हुन अध्यक्ष श्रेष्ठको आव्हान

१३ मंसिर,काठमाडौं ।नेकपा (एमाले) पोलिटब्युरो सदस्य एवं  नेपाल ट्रेड युनियन महासंघ (जिफन्ट) का अध्यक्ष विनोद

समानुपातिकतर्फ माओवादी केन्द्रलाई घण्टिले जित्यो,९० लाख मत गन्दा एमालेको अग्रता कायमै

११ मंसिर, काठमाडौँ । समानुपातिकतर्फ ९० लाख ९३ हजार ७६१ मत गणना हुँदा नेकपा(एमाले) को

गठबन्धनले कब्जा गरेको दोलखाको १० वटा मतदान केन्द्रमा पुन : मतदान गर्ने आयोगको निर्णय

११ मंसिर,काठमाडौं । निर्वाचन आयोगले दोलखाको १० वटा मतदान केन्द्रहरुमा मंसिर १५ गतेभित्र पुनःमतदान गर्ने

प्रदेशसभा प्रत्यक्षतर्फको पछिल्लो मत परिणाम,नेपाली काङ्ग्रेसको अग्रता

१० मंसिर,काठमाडौं । मंसिर ४ गते सम्पन्न प्रतिनिधिसभा तथा प्रदेशसभा निर्वाचन अन्तर्गत प्रदेशसभाको प्रत्यक्षतर्फ को