नयॉं शक्ति युएईले नेपाली दूतावासमार्फत ज्ञापन बुझायो

imageपिपुल्स नेपाल , जापान , हर्क बहादुर ताम्राकार ( एच.बी ) 

७ आश्विन । युएई दुबई डा. बाबुराम भट्टराई नेतृत्वको पार्टी ‘नयां शक्ति’ को युएई संगठन अन्तर्राष्ट्रिय नेपाली समाज युएईले देशका विभिन्न जल्दाबल्दा समस्याप्रति सरकारको ध्यानाकर्षण गराउंदै मंगलबार प्रधानमन्त्री पुष्पकमल दाहाललाई एक ज्ञापनपत्र बुझाएको छ ।

युएई इस्थित नेपाली दूतावासमार्फत ज्ञापन बुझाइएको हो । कार्यबहाक राजदूत नेत्र बहादुर टण्डन उक्त ज्ञापन बुझेका थिए ।
प्रत्यक्ष निर्वाचित कार्यकारी व्यवस्था माग र संबिधान संशोधन मार्फत सबैका मुद्दा समेटी सर्वस्वीकार्य संविधान बनाएर आर्थिक सम्वृद्धिमा लाग्नु नै मुलुकको हितमा रहेको ज्ञापनमा उल्लेख छ । संविधानसभाको ९० प्रतिशत मतले नेपालको संविधान जारी भएपनि मधेशी, जनजाति, थारु आदि समुदायको असन्तुष्टिलाई संविधानले संवोधन गर्न नसकेको र यो नगर्दासम्म मुलुकमा राजनीतिक अस्थिरता कायमै रहने पत्रमा छ । संघीयता, नागरिकता, सिमांकन, समावेशी जस्ता विषयमा अझै गहन राष्टिय चिन्तन आवश्यक रहेको पनि ज्ञापनमा छ ।
नयां शक्ति सत्ताको खेलमा होइन, सरकारले विभिन्न पक्ष, क्षेत्र र समुदायबाट उठेका जायज मागको यथाशीघ्र संवोधन गरोस्, पहिचानका ५ र सामथ्र्यका चार आधारमा टेकेर स्थानीय निकायको पुनर्संरचना गरोस् र जनताका दैनिक जीवनसंग सम्वन्धित समस्या समाधान गरोस् भन्ने चाहेको पत्रमा उल्लेख छ ।
ज्ञापनमा नेपालको संविधानले प्रत्याभूत गरेको आर्थिक सामाजिक अधिकार व्यवहारमा लागू गराउन सरकारसंग माग गरिएको छ । भूकम्प पीडितलाई राहत वितरण तथा पुनर्निर्माणमा भएको बिलम्बप्रति ध्यानाकर्षण जनाउंदै ज्ञापनमा दशैं पूर्व नै विशेष राहत प्याकेज दिन माग गरिएको छ ।
राष्ट्रिय गौरवका आयोजनाको कार्यान्वयन पक्ष फितलो र अपारदर्शी भएको जनाउंदै ति परियोजना कार्यान्वयनमा तीव्रता ल्याउन एजेन्सी मोडलको अवधारणा ल्याउन पनि ज्ञापनपत्रमा माग छ । लोड सेडिङको माग कम गर्न प्रत्येक प्रदेशमा एक एकवटा जलविद्युत परियोजना सञ्चालन र काठमाण्ठौं निजगढ फास्ट ट्रयाक नेपालको हितमा हुने गरि निर्माण कार्य अघि बढाउन पनि माग गरिएको छ ।
सार्वजनिक यातायतालाई सुलभ र भरपर्दो बनाइयोस् भन्दै पत्रमा किसानलाई मल, बीउ, आधुनिक प्रविधिको व्यवस्था र यातायातमा सिन्डिकेट प्रथा हटाइयोस् भन्ने माग छ ।
माथिल्लो कर्णाली, अरुण तेश्रो, माथिल्लो मरस्याङदी, कोशी उच्च बांध लगायत विदेशीलाई दिइएका नदी सम्वन्धि जल सम्झौताको विवाद अन्त्य गर्न माग गरिएको छ । पत्रमा द्वन्द्वकालीन मुद्दा छानवीन गरि छिटो टुंग्याउन पनि माग छ ।
६ पृष्ठ लामो सो ज्ञापनपत्र विश्वव्यापी रुपमा बुझाइएको र यदि सम्बोधन नभए विश्वव्यापी रुपमै सशक्त आन्दोलन थालिने समाजका अध्यक्ष उत्तम अधिकारी ले बताए ।
उक्त ज्ञापन पत्र बुझाउन नया शक्ति नेपाल केन्द्रीय परिषद सदय चन्द्र प्रसाद सापकोटा जी को संयोजकतत्वमा समाजका अध्यक्ष उत्तम अधिकारी ,सहसंयोजक मुन्ना समसुल हक़ साथै प्रेम प्रसाद ,महिला विभाग रेणु ढकाल ,माया श्रेस्ट , नीतू ढकाल लगायत विभिन्न पदाधिकारीको उपस्थिति थियो ।

प्रतिक्रिया दिनुहोस्
सम्बन्धित वर्गका समाचारहरू

सामाजिक कार्यमा वल्डलिङ्क, सिराहामा महिला सशक्तीकरण कार्यक्रम सम्पन्न

२५ भदौ,सिराहा । नेपालको सबैभन्दा ठुलो ईन्टरनेट सेवा प्रदायक कम्पनी वल्ड्लिङ्क कम्युनिकेशन प्रा.लिले ‘शिक्षा र

आजको मौसम

काठमाडौँ, १५ जेठ । हाल नेपालमा स्थानीय वायु, भारतको उत्तर प्रदेश, विहार आसपास रहेको न्यूनचापीय रेखा

मधेस प्रदेशसभा बैठक चौथोपटक स्थगित !

जनकपुरधाम । मधेस प्रदेशको प्रदेशसभा बैठक बस्दै नबसी चौथोपटक स्थगित गरिएको छ । यही चैत

५ वर्ष कैद र ५० हजार जरिबाना माग गर्दै मन्त्री यादवविरुद्ध जाहेरी

 २०७८ माघ १३ ,काठमाडौं । भौतिक पूर्वाधार मन्त्री रेणु यादवलाई ५ वर्षसम्म कैद र ५०

जनगणनामा सोधिँदै भाषादेखि खातासम्म

काठमाडौं, असाेज १: कात्तिक २५ गतेपछि तपाईंको घरमा कोही नयाँ मान्छे आएर ‘तपाईंको बैक खाता

लुम्बिनी मन्त्रिपरिषद पहिलो बैठकका निर्णय यस्ता छन्

२०७८ साउन २९,रूपन्देही । लुम्बिनी प्रदेशका नवनियुक्त मुख्यमन्त्री कुलप्रसाद केसीले आफ्नो प्रमुख राजनीतिक सल्लाहकारमा अम्मरबहादुर