नयाँ सभामुखको स्वागतका लागि यसरी सिंगारिँदैछ सभामुखको कार्यकक्ष

सभामुखको स्वागतका लागि संघीय संसद् सचिवालयले सभामुखको कार्यकक्ष सिंगारपटारको काम शुरू गरेको छ ।

संसद् सचिवालयस्थित सभामुखको पुरानै कार्यकक्षमा सरसफाइ र सिंगारपटारको काम चलिरहेको छ ।

सचिवालयमा कार्यरत महिला कर्मचारीमाथि दुव्र्यवहारको आरोपमा तत्कालीन सभामुख कृष्णबहादुर महराले राजीनामा गरेपछि सभामुखको कार्यकक्ष साढे २ महिनादेखि खाली छ । 

नयाँ सभामुखका लागि सचिवालयले कार्यकक्ष मर्मतको काम गरिरहेको छ ।

सचिवालयका सहसचिव मुरारी महतले सभामुखको कार्यकक्ष मर्मत सम्हारको काम चलिरहेको लोकान्तरलाई जानकारी दिए ।

सभामुखले विदेशी पाहुना भेट्ने कोठाको भित्तामा ‘वाल पेपर’ राख्ने काम चलिरहेको छ । 

संसद्को हिउँदे अधिवेशन पुस ४ गतेदेखि शुरू हुँदैछ । हिउँदे अधिवेशनको पहिलो कार्यसूची नयाँ सभामुख चयन गर्नेछ ।

राजनीतिक दलहरूबीच सहमति भएमा पुस १० गतेअगावै संसद्ले नयाँ सभामुखको निर्वाचन गर्नेगरी सचिवालयले निर्वाचनको आन्तरिक कार्यतालिका बनाएको छ ।

 

photo

NOC1-250x300