नयाँ शक्तिले बोलायो केन्द्रीय समिति र संघीय परिषदको बैठक, यस्ता छन् एजेन्डाहरु

Naya-Shakti-Meetingकाठमाडौं, २२ असार । नयाँ शक्ति पार्टी, नेपालले केन्द्रीय कार्यकारी समिति र संघीय परिषदको बैठक बोलाएको छ ।पार्टीका संयोजक डा.बाबुराम भट्टराईको अध्यक्षतामा बुधबार पार्टी केन्द्रीय कार्यालय बबरमहलमा बसेको बैठकले यस्तो निर्णय गरेको हो । बैठकले पार्टीको आमन्त्रित सदस्यसहितको केन्द्रीय कार्यकारी समितिको बैठक साउन ९ र १० गतेको लागि बोलाएको छ । काठमाडौंमा बोलाएको उक्त बैठक सम्पन्न भएलगत्तै पार्टीको संघीय परिषदको बैठक साउन ११ र १२ गते काठमाडौंमा बस्ने पार्टीका केन्द्रीय कार्यालय सचिव डा.केशवमान शाक्यले जानकारी दिए ।

बैठकले निर्वाचनको समिक्षा गर्नुका साथी पार्टी संचरनामा व्यापक फेरबदल गर्ने तयारी गरिएको नयाँ शक्ति स्रोतले जनाएको छ । ६४४ स्थानीय तहको आधारमा नयाँ संचरना र नेतृत्व निर्माण गर्दै पार्टी संरचनामा युवाहरुको अत्यधिक सहभागिता गराउनेगरी तयारी गरिएको छ ।यसैगरी बैठकले पार्टीको नाम समेत फेरेर नेपालको सन्दर्भमा शक्तिशाली वैकल्पिक राजनीतिक अभियान सुरु गर्नेगरी योजना निर्माण गर्ने नयाँ शक्तिका एक नेताले जानकारी दिए ।

 

photo

NOC1-250x300