नयाँ शक्तिको संघीय सचिवालय बैठकमा यस्तो निर्णय

काठमाडौं, २७ असोज : नयाँ शक्ति पार्टी नेपालको संघीय सचिवालयको बैठक सम्पन्न भएको छ ।

SachiwalayaMeeting-Ashoj2702-768x310

शुक्रबार राजधानीमा सम्पन्न बैठकले गठबन्धनमा आवद्ध नेकपा एमाले र माओवादी केन्द्र साझा चुनाव चिन्ह प्रयोग गर्ने सहमतिको मर्म विपरीत गएको हुनाले आगामी मंसीर १० र २१ गते हुन गइरहेको प्रतिनिधिसभा र प्रदेशसभाको निर्वाचनमा आफ्नै चुनाव चिन्ह आँखा लिएर सहभागी हुने निर्णय गरेको छ ।

पार्टीले संविधानको आधारभूत अन्तरबस्तु (गणतन्त्र, संघीयता, धर्मनिरपेक्षता र समावेशीता) लाई अस्वीकार गर्ने राजनीतिक पार्टीहरु, व्यक्ति–व्यक्तित्वबाहेक सबैसँग संघ र प्रदेशस्तरमा चुनावी तालमेल गर्ने निर्णय गरेको छ । त्यस्तै तालमेल भएको क्षेत्रमा बाहेक संघ र प्रदेशका सबै निर्वाचन क्षेत्रहरुमा उम्मेद्वारी दिने पनि निर्णय गरेको छ ।

बैठकले पार्टी संयोजक डा. बाबुराम भट्टराई, गोरखा–२ बाट, कृष्णकुमार चौधरी कैलाली–३ बाट, दानबहादुर चौधरी कपिलबस्तु–१ बाट चुनाव लड्ने निर्णय भएको नयाँ शक्तिले जनाएको छ ।

 

photo

NOC1-250x300