नयाँ शक्तिको नेतृत्वमा ५६ दलले प्रधानमन्त्रीलाई ज्ञापन पत्र बुझायो

Dr.-Baburam-Bhattarai-and-Prachandकाठमाडौँ, १८  चैत । चुनाव चिह्नका विषयलाई लिएर प्रधानमन्त्री पुष्पकमल दाहाल ‘प्रचण्ड’लाई साना दलले हिजो  संयुक्त  ज्ञापन पत्र बुझाएका छन् ।

प्रधानमन्त्री निवास बालुवाटारमा साँझ पूर्वप्रधानमन्त्री डा बाबुराम भट्टराई नेतृत्वको नयाँ शक्ति पार्टीसहित विभिन्न साना दलले ज्ञापन बुझाएका हुन् । ज्ञापनपत्रमा संसद्मा रहेका दलले मात्र देशभर एउटै चुनाव चिह्न लिएर प्रतिस्पर्धा गर्न पाउने ऐनको प्रावधान हटाई आयोगमा दर्ता भएका सबै दललाई देशभर एउटै चुनाव चिह्नमा प्रतिस्पर्धा गर्ने व्यवस्था गर्न माग गरिएको छ ।

प्रधानमन्त्रीले ऐनमा भएको व्यवस्था परिवर्तन गर्न संसद्मा बहुमत चाहिने र त्यसका लागि प्रमुख राजनीतिक दलबीच समझदारी हुनुपर्ने भएकाले आफूले तुरुन्तै नेपाली काँग्रेस, नेकपा(एमाले)सहितका दलसँग छलफल गर्ने बताउनुभएको प्रधानमन्त्रीको निजी सचिवालयले जनाएको छ ।

नयाँ शक्ति नेपालका संयोजक बाबुराम भट्टराईसहित ६२ दलका नेताहरु स्थानीय तह निर्वाचन ऐन ०७३ मा रहेका त्रुटी सच्याउन प्रचण्डलाई दबाब दिन बालुवाटार पुगेका थिए। व्यवस्थापिका संसद बाहिर रहेका दलहरुलाई दलगत पहिचानसहित निर्वाचन चिन्ह नदिने व्यवस्थाका बिरुद्धमा प्रधानमन्त्री प्रचण्डलाई दबाब दिन बालुवाटार पुगेका ती दलहरुले बहुदलीय लोकतन्त्रको मर्म र संविधान विपरितको व्यवस्था स्थानीय तह निर्वाचन ऐनबाट हटाउन माग गरेका छन् । त्यस्तो व्यवस्था ४८ घण्टा भित्र नसच्याएमा कडा आन्दोलनमा उत्रिने चेतावनी उनीहरुले दिएका छन्।

 

photo

NOC1-250x300