March 17, 2017

देउवालाई सोध्छु-कांग्रेसको प्रजातान्त्रिक आचरण कहाँ छ ? ओली

kp-sharma-oli-300x193 महेन्द्रनगर । नेकपा एमालेका अध्यक्ष केपी शर्मा ओलीले मुलुकको पश्चिमी सीमा शहर महेन्द्रनगर पुगेर प्रधानमन्त्री प्रचण्ड र प्रमुख सत्तारुढ घटक नेपाली कांग्रेसका सभापति शेरबहादुर देउवाको नियतमा प्रश्न उठाएका छन् ।

उनले सत्तापक्षमाथि हार्ने डरले चुनावबाट भाग्ने बहाना खोजिरहेको आरोप लगाएका छन् । मेची-महाकाली राष्ट्रिय अभियानको अन्तिम दिन कञ्चनपुरस्थित जिल्ला पार्टी कार्यालयमा आयोजित पत्रकार सम्मेलनमा ओली प्रधानमन्त्री प्रचण्डभन्दा देउवाप्रति आक्रामक रुपमा प्रस्तुत भए । प्रधानमन्त्री प्रचण्ड मधेसी मोर्चाको षड्यन्त्रको बन्दी हुन लागेको भन्दै ओलीले मोर्चाको नियत बुझेर भ्रममुक्त हुन सुझाव दिए ।
स्थानीय तहको संख्या बढाउने कुरा चुनाव नगराउने षड्यन्त्र भन्दै अब समय नरहेको बताए । ओलीले भने, ‘चुनावमा आउँछन् कि भनेर संख्या बढाउने भन्नुहुन्छ तर, उनीहरुको नियत अर्कै छ । चुनावमा नआए पनि भोलि हामीले भन्ने ठाउँ हुन्छ भन्ने उहाँको भनाइ छ । यो चुनाव नहुने कुरा भयो ।’

आजमात्रै आफूले प्रधानमन्त्री प्रचण्डसँग कुरा गरेर स्थानीय तहको संख्या बढाउने समय नभएकाले त्यसमा नफस्न सुझाव दिएको ओलीले सुनाए । ‘मैले प्रधानमन्त्रीलाई भनेको छु, तपाई आफैं षड्यन्त्र गर्दै हुनुुन्छ कि अर्काको षडयन्त्रमा पर्नुभएको छ ?’ उनले भने, ‘लोकतान्त्रिक प्रक्रिया, बहुमतको निर्णय नमान्ने र शान्तिपूर्ण राजनीतिक गतिबिधिमा बम हान्नेको भ्रममा परेर अलमल नगर्नुस् भनेको छु ।’

‘मधेसी मोर्चा डामेर छाडेको साँढे जस्तो’

मधेसी मोर्चा सरकारले डामेर छाडेको साँढे जस्तो भएको ओलीको टिप्पणी थियो । उनले लोकतान्त्रिक प्रक्रिया नमान्ने, अपराधिक गतिबिधि गर्ने र शान्तिपूर्ण कार्यक्रममा बम हान्नेहरुलाई पूर्ण रुपमा छुट दिइएको भन्दै आपत्ति जनाए ।

त्यसपछि ओली देउवा र कांग्रेसमाथि खनिए । उनले प्रमुख सत्तारुढ घटक कांग्रेसमाथि सरकार र गृह प्रशासन गलत ढंगले प्रयोग भइरहेको आरोप लगाए ।

एमाले अध्यक्ष ओलीले स्वतन्त्र विद्यार्थी युनियनको चुनावमा समेत आफूले हार्ने क्याम्पसमा चुनाव हुन नदिएर सत्तापक्षले गृह प्रशासनको दुरुपयोग गरेको आरोप लगाए । उनले भने, ‘सरकारमा हुनेहरु विद्यार्थीको चुनावमा समेत आफूले जित्ने भएमात्र चुनाव गराउने, नत्र हार्ने चुनाव नगर्ने, परिणाम घोषणा हुन नदिने र चुनावै हुन नदिने षडयन्त्रमा लागेका छन् ।’

ओलीले अघि भने, ‘कांग्रेसको प्रजातान्त्रिक अभ्यास कहाँनिर छ मलाई बताइदिए हुन्छ । दुई दिनपछि काठमाडौं गएर म शेरबहादुरजीलाई सोध्नेछु ।’

अध्यक्ष ओलीले स्थानीय प्रशासनहरुलाई सत्तापक्षको अनुचित दबावका आधारमा विपक्षीमाथि दमन नगर्न चेतावनी दिए । ‘प्रतिपक्षीलाई मुद्दा लगाउने, अपराध गर्नेलाई छुट दिने काम भइरहेको छ,’ उनले भने, ‘म भन्छु, डेढ महिने म्यादी सरकारको हुलामुलामा लागेर प्रशासनले काम नगरोस् ।’

प्रतिक्रिया दिनुहोस्
सम्बन्धित वर्गका समाचारहरू

किसानले तरकारी फालेको घटनाप्रति प्रधानमन्त्रीको ध्यानाकर्षण

२१ माघ, काठमाडौँ । उचित मूल्य नपाएको भन्दै चितवनका किसानहरूले सडकमा तरकारी फालेको भन्दै आएका

प्रधानमन्त्री दाहाल र एमाले अध्यक्ष ओलीबीच भेटबार्ता

२१ माघ, काठमाडौं । प्रधानमन्त्री पुष्पकमल दाहाल ‘प्रचण्ड’ र नेकपा एमालेका अध्यक्ष केपी शर्मा ओलीबीच

बिहीवार साँझ नेपाल आएका मलेसियाली गृहमन्त्री आज स्वदेश फर्कदै

  २१ माघ,काठमाडौं । बिहीवार साँझ नेपाल आएका मलेसियाली गृहमन्त्री सैफदिन नासुन आज स्वदेश फर्कदै

राष्ट्रिय स्वतन्त्र पार्टीले तत्काल सरकार नछाड्ने : प्रधानमन्त्रीलाई दुइदिने अल्टिमेटम

१९ माघ,काठमाडौं । राष्ट्रिय स्वतन्त्र पार्टीले तत्काल सरकार नछाड्ने भएको छ । आज बसेको केन्द्रीय

एमाले अध्यक्ष ओलीद्धारा ‘सीएनआई कोसी एक्स्पो २०२३’ को उद्घाटन

१९ माघ, विराटनगर । पूर्वप्रधानमन्त्री एव नेकपा एमालेका अध्यक्ष केपी शर्मा ओलीले ‘सीएनआई कोसी एक्स्पो

सूचनाको हकले मुलुकमा सुशासन कायम हुन्छ : प्रधानमन्त्री प्रचण्ड

१८ माघ, काठमाडौं । सम्माननीय प्रधानमन्त्री पुष्पकमल दाहाल ‘प्रचण्ड’ ले जति धेरै जनतामा सूचनाका हकको