‘दि ब्रेकअप’ टिमको पहिलो गीत सार्वजनिक (भिडियो)

तिहार नजिकिँदै गर्दा सिनेमा ‘दि ब्रेकअप’ टिमले दर्शकलाई उपहार स्वरूप पहिलो गीत सार्वजनिक गरेकाे छ।

मंगलबार युट्युबमार्फत् सिनेमामा समावेश ‘आज हाम्रो भेट भाको दिन’ बोलको गीत सार्वजनिक गरेको हो।

उक्त गीतमा सरोज खनाल र पछिल्ला पुस्ताका कलाकारहरू रेमनदास श्रेष्ठ, अशिरमान देशराज जोशी, शिल्पा मास्के, इच्छा कार्की लगायतको आकर्षक नृत्य देख्न सकिन्छ।

बुद्धवीर लामाका शब्द, शिलाबहादुर मोक्तानको संगीत तथा आशा भोस्ले र उदित नारायण झाको आवाजमा रहेको पुरानो गीतलाई रिमेक गरेर ‘दि ब्रेकअप’ सिनेमामा समावेश गरिएको हो।

यसअघि सिनेमा ज्वालामा समावेश उक्त गीत २६ वर्ष पहिले बनेको हो। रोचक कुरा के छ भने यस गीतमा पहिले पनि नायक सरोज खनालले नै नाचेका थिए।

नयाँ भर्सनको उक्त गीतमा अहिले विराज गौतम र मेलिना राईको आवाज छ। गीतलाई आकर्षक बनाउन निर्माण टिमले कुनै कसुर बाँकी नराखेको दाबी गरेको छ।

हेमराज बिसीको निर्देशनमा बनेको सिनेमालाई नरेन्द्र मैनालीले छायांकन गरेका छन्। यसमा रूपक थापा, दीपक खतिवडा, रेनु राना र निर्देशक बिसीले संयुक्त लगानी गरेका छन्।

 

photo

NOC1-250x300