April 13, 2017

दस हजार धरौटीमा रिहा भए सिके राउत

सिरहा, चैत ३१ – स्वतन्त्र मधेश गठबन्धनका सि.के.राउत१० हजार रुपैयाँ धरौटीमा रिहा भएका छन् । उनलाई आज सिरहा जिल्ला अदालतले रिहा गर्ने आदेश दिएको हो । तर, सिरहा जिल्ला अदालतले राउतलाई धरौटीमा रिहा गर्ने आदेश दिनु पहिले नै ‘केही विषयमा अनुसन्धान गर्नुछ’ भन्दै रुपन्देही प्रहरीले सिरहा प्रहरीलाई सि.के. राउतलाई बुझाउन आग्रहसहित पत्राचार गरेको जिल्ला प्रहरी कार्यालय सिरहाका डिएसपी विश्वमणि पोखरेलले बताए ।

राउत सिरहा जिल्ला अदालतले माग गरेको धरौटी बुझाएर रिहा भएपछि पुनः पक्राउ गरी रुपन्देही पठाउने तयारी भईरहेको जनाइएको छ । राउत विरुद्ध गत फागुन ५ गते नै रुपन्देहीमा राज्य विरुद्धको संगठित अपराध अन्तर्गत मुद्दा दर्ता भएको जनाइएको छ ।

अदालतको कार्यालय समय समाप्त हुन केही मिनेट बाँकी रहँदा उनका समर्थक राजेन्द्र भन्ने व्यक्तिले राउतसहित नौ जनाको ५५ हजार रुपैयाँ धरौटी बुझाएपनि राउतलाई अदालतबाट बाहिर निकालिएको छैन ।

राज्य विरुद्धको संगठित अपराध अन्तर्गत चैत २१ गते जिल्ला अदालतमा मुद्दा चलाइएका राउतको बयानसँगै थुनछेक बहसपछि बिहीबार अदालतले माग गरेको धरौटी बुझाएको जिल्ला अदालतका रजिष्ट्रार विनोद खतिवडाले जानकारी दिए ।
सिरहा जिल्ला अदालतका न्यायधीश ध्रुवप्रसाद सापकोटाको इजलाशले राउतको बयान, थुनछेक बहसपछि अदालतले राउतसँग १० हजार रुपैयाँ धरौटी माग्नुका साथै उनको रिहाईको मागसहित सिरहा र लहानबाट पक्राउ गरी मुद्दा चलाइएका अन्य नौ जनासँग भने जनही पाँच पाँच हजार रुपैयाँ धरौटी माग गरिएको छ ।

रजिष्ट्रार खतिवडाका अनुसार सिरहा र लहानबाट पक्राउ गरिएका आठ जना विरुद्ध पनि राज्य विरुद्धको संगठित अपराध अन्तर्गतको मुद्दा चलाइएको छ । धनुषाको जनकपुरमा पक्राउ गरी सिरहा ल्याएर पहिलो पटक गत माघ २१ गते राज्य विरुद्धको संगठित अपराध अन्तर्गतको मुद्दामा अदालत उपस्थित गराइएका राउतलाई अनुसन्धानका लागि पहिलो पटक अदालतले १० दिनसम्म थुनामा राख्ने आदेश दिएको थियो ।

त्यसपछि दोस्रो पटक फागुन १ गते १० दिन, तेस्रो पटक ११ गते फेरि १० दिन, चौथो पटक फागुन २२ गते २० दिन र अन्तिम तथा पाँचौं पटक चैत ११ गते १० दिनको म्याद थपेको थियो । त्यसपछि चैत २१ गते जिल्ला अदालतमा मुद्दा दर्ता गरी कानुनी कारबाहीको प्रकृया अगाडि बढाइएको थियो ।

प्रतिक्रिया दिनुहोस्
सम्बन्धित वर्गका समाचारहरू

भिभोद्वारा नेपालमा आफ्नो पाचौं वार्षिकोत्सव मनाउन सबैभन्दा ठूलो सेल्स कार्निभल आयोजना

१६ मंसिर,काठमाडौं । भिभो, एक विश्वव्यापी अग्रणी स्मार्टफोन ब्रान्डले आज नेपालमा आफ्नो ५ वर्ष पूरा

सुकुम्बासीहरुलाई तत्काल नहटाउन राष्ट्रिय भुमी आयोगको आग्रह

१६ मंसिर,काठमाडौं । राष्ट्रिय भुमी आयोगले राजधानी काठमाडौंलगायतका ठाउँहरुमा रहेका सुकुम्बासीहरुलाई अहिले नहटाउन आग्रह गरेको

नेस्वहोमयु को ४२ औं वार्षिक उत्सव:श्रमजीवीहरुलाई एकतावद्ध आन्दोलनमा सरिक हुन अध्यक्ष श्रेष्ठको आव्हान

१३ मंसिर,काठमाडौं ।नेकपा (एमाले) पोलिटब्युरो सदस्य एवं  नेपाल ट्रेड युनियन महासंघ (जिफन्ट) का अध्यक्ष विनोद

आगामी पांच वर्षभित्रमा श्रमिकहरुको तलब २५ हजार पुर्‍याउने नेता बिष्णु रिमालको उदघोष

१२ मंसिर,काठमाडौं । नेकपा एमालेका उपमहासचिव एवं नेपाल ट्रेड युनियन महासंघ(जिफन्ट) का संरक्षक बिष्णु रिमालले

समानुपातिकतर्फ माओवादी केन्द्रलाई घण्टिले जित्यो,९० लाख मत गन्दा एमालेको अग्रता कायमै

११ मंसिर, काठमाडौँ । समानुपातिकतर्फ ९० लाख ९३ हजार ७६१ मत गणना हुँदा नेकपा(एमाले) को

गठबन्धनले कब्जा गरेको दोलखाको १० वटा मतदान केन्द्रमा पुन : मतदान गर्ने आयोगको निर्णय

११ मंसिर,काठमाडौं । निर्वाचन आयोगले दोलखाको १० वटा मतदान केन्द्रहरुमा मंसिर १५ गतेभित्र पुनःमतदान गर्ने