थप ३ जनामा कोरोना संक्रमण भेटियो, कुल संक्रमितको संख्या ४५ पुग्यो

नेपालमा कुल ४५ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।

बुधबार मन्त्रालयले गर्ने नियमित पत्रकार सम्मेलनमा मन्त्रालयका प्रवक्ता डा. विकास देवकोटाले उक्त जानकारी दिएका हुन् । बुधबार थप ३ जनामा कोरोना संक्रमण भेटिएपछि कुल संक्रमितको संख्या ४५ पुगेको देवकोटाले जानकारी दिए ।

प्रवक्ता डा विकास देवकोटाले २४ वर्षीय पुरुष, ६० वर्षीय पुरुष र ७२ वर्षीया पुरुषमा देखिएको बताए । उनले हाल उनीहरु क्वारेन्टाइन्मा रहेको र अस्पताल ल्याउने तयारी गरिरहेको बताए ।

उनका अनुसार विपी कोइराला स्वास्थ्य विज्ञान प्रतिष्ठानमा गरिएको परीक्षणमा ३ जनामा कोरोना पोजेटिभ देखिएको हो । कुल ४५ संक्रमितमध्ये ७ जना उपचारपछि निको भएर घर फर्किसकेका छन् । आज सेती अस्पतालमा उपचाररत ४० वर्षीय पुरुष र टेकु अस्पतालमा उपचाररत ३२ वर्षीय पुरुष डिस्चार्ज हुने मन्त्रालयले जनाएको हो ।

 

photo

NOC1-250x300