April 10, 2017

तेस्रो लिंगीका लागि यसरी हुँदैछ खेलकुदको तयारी

चैत २८, काठमाडौं – राष्ट्रिय खेलकुद परिषद् (राखेप)ले तेस्रो लिंगीहरूका लागि बृहत् खेलकुद प्रतियोगिता आयोजना गर्ने भएको छ । राखेपले आर्थिक वर्ष २०७४।७५ मा विभिन्न खेलकुद गतिविधि सञ्चालनका लागि युवा तथा खेलकुद मन्त्रालयमा पठाएको प्रस्तावमा तेस्रो लिंगीको खेलकुद पनि समावेश गरेको छ। आजको अन्नपूर्ण पोस्टमा खबर छ ।

राखेप सदस्यसचिव केशवकुमार विष्टले आगामी वर्षका लागि प्रस्ताव गरेको नयाँ कार्यक्रममा तेस्रो लिंगीबीच बृहत् खेलकुद आयोजना गर्ने विषयलाई पनि प्राथमिकताका साथ समावेश गरिएको जानकारी दिनुभयो ।

विश्वमै तेस्रो लिंगीहरूको खेलकुद निकै कम हुने गरेको छ । तेस्रो लिंगीको विषयलाई लिएर विश्व खेलकुदमा समय समयमा विवाद पनि देखिने गरेको छ । सदस्यसचिव विष्टले तेस्रो लिंगी पनि देशका नागरिक भएकाले उनीहरूलाई समान दृष्टिले हेर्नुपर्छ भन्ने मान्यतासहित यस्तो प्रस्ताव अघि सारिएको जानकारी दिनुभयो । ‘तेस्रो लिंगी हुनुमा उनीहरूको दोष छैन । उनीहरू पनि देशका नागरिक हुन्, हाँसो र खिसीका पात्र होइनन् । त्यसैले उनीहरूलाई पनि खेलकुद क्षेत्रमा समाहित गर्न तेस्रो लिंगीहरूको खेलकुद प्रतियोगिता आयोजना गर्ने तयारीमा हौं’, विष्टले भन्नुभयो ।

तेस्रो लिंगीहरूको खेलकुद प्रतियोगितामा समावेश गरिने खेल, त्यसको संरचना र सहभागिताको विषयमा आवश्यक छलफल भइरहेको जानकारी पनि उहाँले दिनुभयो । ‘हरेक वर्ग, क्षेत्र र उमेर समूहका व्यक्तिलाई खेलकुदमा समाहित गर्ने हाम्रो नीति हो । त्यसैलै आगामी आर्थिक वर्षका लागि केही फरक कार्यक्रम अघि सारेका छौं, त्यसमध्ये तेस्रो लिंगीको खेलकुद नितान्त नयाँ अवधारणा हो’, अन्नपूर्णसँगको कुराकानीमा सदस्यसचिव विष्टले भन्नुभयो ।

राखेपले आगामी वर्षदेखि ‘राखेप च्याम्पियनसिप’ को नाममा अर्को राष्ट्रिय खेलकुद प्रतियोगिता पनि सञ्चालन गर्ने भएको छ । राखेप च्याम्पियनसिप बृहत् राष्ट्रिय खेलकुद प्रतियोगिता सकिएको एक वर्षपछि आयोजना गरिनेछ । ‘बृहत् राष्ट्रिय खेलकुद भएको अर्को वर्ष राखेप च्याम्पियनसिप हुनेछ, यसले खेलाडीलाई व्यस्त बनाउने छ भने अन्तर्राष्ट्रिय सहभागिताका लागि पनि गतिलो तयारी हुनेछ’, उहाँले भन्नुभयो ।

उहाँका अनुसार राखेप च्याम्पियनसिप भने सम्बन्धित संघले नै आयोजना गर्नेछन् । राष्ट्रपतिको नाममा छुट्टै महिला प्रतियोगिता र उपराष्ट्रपतिको नाममा यू—१४ उमेर समूहको प्रतियोगिता पनि आयोजना गरिनेछ

प्रतिक्रिया दिनुहोस्
सम्बन्धित वर्गका समाचारहरू

असोज दुई र तीन गते नेसनल हेल्थ समिट टु को आयोजना हुने

पिपुल नेपाल,१ भदौ ,काठमाडौं । नेपाल चिकित्सक संघले आगमी असोज दुई र तीन गते काठमाडौंमा

क.समिरको नेतृत्वमा नेकपा (मालेमा केन्द्र)पुनर्गठन

पिपुपल नेपाल संवाददाता,३१ साउन हेटौंडा। नेपाल कम्युनिस्ट पार्टी (मालेमा केन्द्र) पुनर्गठन भएको छ। हेटौंडामा सप्पन्न

राष्ट्रिय युवा संघको आयोजनामा गाईजात्रा (घिन्टाङ-घिसि)हुने

पिपुल नेपाल संवाददाता,३१ साउन भक्तपुर। राष्ट्रिय युवा संघ नेपाल भक्तपुरको आयोजनामा गाईजात्रा (घिन्टाङ-घिसि)कार्यक्रम हुने भएको

माओवादी केन्द्रीय सदस्य तथा पूर्व राज्यमन्त्री राम सिंह यादव सहित ५०० नेताकार्यकर्ता एमाले प्रवेश

   साउन ३१, काठमाडौं । नेकपा माओवादी केन्द्रका केन्द्रीय सदस्य तथा पूर्व राज्यमन्त्री राम सिंह

लोकसेवा आयोगको स्वीकृति बेगर अनधिकृत रूपमा ५२२ जना कार्यकर्ता भर्ती गर्दै गठबन्धन सरकार

काठमाडौँ, ३० साउन । गठबन्धन सरकारले ६ वटा मन्त्रालयका लागि ५ सय २२ अस्थायी दरबन्दी

सुर्यविनायक क्षेत्र प्रबन्ध समितिको अध्यक्षमा बस्नेत

पिपुल नेपाल संवाददाता,२९ साउन,भक्तपुर। सुर्यविनायक नगरपालिका वडा नं.८ का अध्यक्ष पुष्पराज बस्नेत सुर्यविनायक क्षेत्र प्रबन्ध