डेभिड वार्नरको १०० औं क्यापमा शतक

काठमाडौं । अष्ट्रेलियन ओपनर्स ब्याट्सम्यान डेभिड वार्नरले एक दिवसीयमा १०० क्याप पूरा गरेका छन् । भारत टुरमा रहेको अष्ट्रेलियाले बिहीबार भारतसँगको खेलमा प्रतिस्पर्धा गर्दा डेभिड वार्नरले सय क्याप पूरा गरेका हुन् ।_92900174_david_warner_getty3

भरातसँगको चौथो एक दिवसीय क्रिकेट खेलमा डेभिड वार्नरले शतक प्रहार गर्दै उनको १०० औं क्यापमा पनि शतक प्रहार गर्ने खेलाडी बनेका छन् । उनले ११९ बलमा १२ चौका र ४ छक्का प्रहार गर्दै १२४ रन बनाएका हुन् । अष्ट्रेलियाका एक मुख्य खेलाडी समेत रहेका डेभिड वार्नर विश्व चर्चित खेलाडी हुन् ।

अष्ट्रेलियाबाट २००९ सालमा दक्षिण अफ्रिका विरुद्ध वार्नरले डेब्यु गरेका थिए । डेब्यु खेलमा ओपनिङमा आएका वार्नरले ५ रन बनाएर आउट भएका थिए । जुन खेलमा अष्ट्रेलियाले दक्षिण अफ्रिकालाई ५ रनले पराजित गरेको थियो । डेभिड वार्नरले अष्ट्रेलियालाई एक दिवसीय विश्वकपको उपाधि समेत दिलाई सकेका छन् ।

डेभिड वार्नरले एक दिवसीय फर्माटमा १०० खेलबाट ४ हजार २ सय १७ रन बनाएका छन् । एक दिवसीय क्रिकेट करियरमा उनको उच्च स्कोर भनेको १७९ रन रहेको छ । वार्नरले एक दिवसीय करियरमा १४ शतक १६ अर्धशतक बनाएका छन् । उनले एक दिवसीय करियरमा ४२६ चौका र ६६ छक्का प्रहार गरेका छन् ।

 

 

photo

NOC1-250x300