डाक्टरहरुलाई स्वास्थ्यमन्त्रीको आग्रह- आन्दोलन फिर्ता लिएर वार्तामा आउनुस्

१३ असोज, महोत्तरी । स्वास्थ्य मन्त्री गिरिराजमणी पोखरेलले आन्दोलनरत चिकित्सकका माग पूरा गर्न सरकार तयार रहेकाले आन्दोलनका कार्यक्रम फिर्ता लिन आग्रह गरेका छन्

महोत्तरीको बर्दिवासमा बिहीबार सञ्चारकर्मीहरुसँग कुराकानी गर्दै उनले दशैं जस्तो महत्वपूर्ण चाडमा नागरिकका लागि स्वास्थ्य सेवा अतिआवश्यक रहेको भन्दै चिकित्सकका माग पूरा गर्न आफू र सरकार प्रतिवद्ध रहेको बताए ।

बिहीबार गृहनगर बर्दिवास आएका मन्त्री पोखरेलले आन्दोलनको कार्यक्रम फिर्ता लिएर वार्ता र संवादमा आउन आह्वान गरे ।

स्वास्थ्य सेवा अवरुद्ध भइरहँदा आफूलाई निकै दुःख लागेको भन्दै उनले बन्द र अवरोध गर्नु ठीक नभएको बताए । मन्त्रिपरिषदको निर्णय र चिकित्सक संघ दुवैलाई सम्बोधन हुनेगरी स्वास्थ्यकर्मी तथा स्वास्थ्य संस्था सुरक्षा ऐन २०६६ र त्यसको आधारमा बनेको २०६९ को नियमावली परिस्कृत गर्न सरकार तयार रहेको उनले जानकारी गराए ।

चिकित्सक र स्वास्थ्यकर्मीहरु माथीको आक्रमणको घटनाले मनोबल घटाउने काम भैरहेकाले सरकार सुरक्षा प्रदान गर्न तयार रहेको उनले स्पष्ट पारे ।

सम्पूर्ण नेपालीहरुलाई दशैंको शुभकामना दिँदै उनले स्वास्थ्यको दृष्टिकोणले खानपिनमा विशेष ध्यान दिन समेत सुझाव

 

photo

NOC1-250x300