झारफुक गर्ने बहानामा जंगलमा लगेर बालिकालाई बलात्कार

पर्वत, वैशाख ३ – तान्त्रिक विधिद्वारा झारफुक गरेर रोग निको पार्ने बहानामा पर्वतका एक व्यक्तिले ८ वर्षिया बालिकालाई जवरजस्ती करणी गरेको आरोप लागेको छ । पर्वतको कुश्मा नगरपालिका–२ घर भई जलजला गाउँपालिका–३ बउरमा झारफुक गरी वस्ने ४५ वर्र्षे खिम बहादुर परियारले ८ वर्षिया बालिकालाई बलात्कार गरेको आरोप लागेको हो ।

गएको चैत ३१ गते बेलुका ५ बजेको समयमा झारफुकका लागि घरमा पुगेकी बालिकालाई परियारले कुलमा बस्ने मसान लागेकाले पूजा गर्नका लागि जंगलमा जानुपर्ने बहाना रच्दै जंगलमा नै बालिकालाई बलात्कार गरेको पीडित परिवारले जनाएको  । परियारले घरबाट १५ मिनेटको दूरीमा रहेको माटेपानीको जंगलमा बालिकालाई बलात्कार गरेको परिवारको दाबी छ ।

पीडित बालिकाका परिवारले प्रहरी समक्ष परियारले किटानी जाहेरी दिएपछि प्रहरीले पिडक परियारलाई पक्राउ गरेको छ । पीडितको निवेदनको आधारमा परियारलाई पक्राउ गरेको र प्रारम्भिक अनुसन्धान पश्चात आइतबार जवरजस्ती करणी अन्तर्गत मुद्धा दर्ता गरी थप अनुसन्धानको लागि जिल्ला प्रहरी कार्यालय पर्वतको हिरासतमा राखिएको प्रहरी निरीक्षक लिलाराज लामिछानेले बताउनुभयो ।

 

photo

NOC1-250x300