जोखिममा प्रहरी: कोरोना संक्रमित प्रहरीको संख्या २० पुग्यो

जेठ १६, काठमाडौं : पछिल्लो समयमा नेपालमा कोरोना भाइरस (कोभिड १९) संक्रमणको जोखिम बढ्दै गएको अवस्थामा प्रहरी समेत संक्रमणको जोखिममा परेका छन् ।

दिनप्रदिन संक्रमितको संख्या बढ्दै गइरहँदा हालसम्म २० जना प्रहरीमा कोरोना संक्रमण पुष्टि भइसकेको छ । सप्तरीमा एक प्रहरीमा कोरोना पुष्टि भएसँगै बिहीबार साँझसम्म संक्रमित प्रहरीको संख्या २० पुगेको हो । यसअघि बारामा ७, धनकुटामा २, काठमाडौंमा २, धनुषामा २, कपिलवस्तु २ बाँकेमा २ सप्तरीमा २ जनामा संक्रमण पुष्टि भएको थियोे ।

यस्तै कालीमाटीका २३१ प्रहरीमध्ये ११६ जनाको आरडीटी परीक्षणको नतिजा नेगेटिभ आएको छ । बाँकी ११५ जनाको रिपोर्ट आउन बाँकी छ । वृत्त कालीमाटीमा कार्यरत एक सई र प्रहरी जवानमा कोरोना देखिएपछि वृत्तमा कार्यरत तथा उनीहरुसँग सम्पर्कमा आएका २ सय ३१ जनाको स्वाब संकलन गरेर परीक्षण गरिएको थियो। जसमध्ये १ सय १६ जनाको रिपोर्ट नेगेटिभ आएको हो ।

रिपाेर्ट नेगेटिभ आएपनि संक्रमितको सम्पर्कमा आएका सबै प्रहरी कार्यालयमै क्वारेन्टाइनमा छन् । एक सातादेखि महानगरीय प्रहरी वृत्त कालीमाटी सिल छ। डिएसपीदेखि जवानसम्मलाई वृत्तमा क्वारेन्टाइनमा राखिएको छ। वृत्तका सबै प्रहरी क्वारेन्टाइनमा भएपछि अहिले महानगरीय प्रहरी कार्यालय रानीपोखरी र अन्य ठाउँबाट सुरक्षाकर्मी ल्याएर सुरक्षामा खटाइएको छ।

 

photo

NOC1-250x300