छुट्टाछुट्टै दुर्घटनामा दुई जनाको मृत्यु

२९ चैत, धनगढी । कैलालीमा भएको दुई छुट्टाछुट्टै दुर्घटनामा परी दुई जनाको मृत्यु भएको छ ।

जिल्ला प्रहरी कार्यालयका अनुसार धनगढीको चटकपुर सडकमा ना ५ ख ९४०८ नंको बसको ठक्करबाट घाइते भएका कञ्चनपुर झलारी–पिपलाडी नगरपालिकाका पानसिं बोहराका छोरा सातवर्षीय मनोजको उपचारार्थ भारत लैजाँदै गर्दा बाटैमा मृत्यु भएको छ ।

यसैगरी सोमबार दिउँसो पूर्वपश्चिम राजमार्गको कैलाली घोडाघोडी सडकखण्डमा से ५ प ९८८ नंको मोटरसाइकल अनियन्त्रित भई दुर्घटना हुँदा मोटरसाइकलमा सवार सोही ठाउँका २२ वर्षीय हेमराज न्यौपानेको उपचारका क्रममा मृत्यु भएको छ । मोटरसाइकल दुर्घटनाबाट सडकमा हिँडिरहेका कैलाली मसुरियाका धनबहादुर कँडेल घाइते भएकामा उनको स्थानीय अस्पतालमा उपचार भइरहेको छ । रासस

 

photo

NOC1-250x300