‘छक्का पञ्जा–२’ र ‘मेरो पैसा खोइ’ भिड्दै

काठमाडौं । यो वर्ष दसैंको छेको पारेर दुईटा चलचित्र रिलिज हुने भएका छन् । गत वर्षको ब्लकबस्टर चलचित्र ‘छक्का पञ्जा’ को सिक्वेल ‘छक्का पञ्जा–२’ र ‘मेरो पैसा खोइ’ दसैंको मेसो पारेर असोज ११ गते (भोली) रिलिज हुन लागेका हुन् । 1097598705chalachitra  

निर्माणको घोषणासँगै रिलिज मिति तय भएको चलचित्र ‘छक्का पञ्जा–२’ सँग भर्खरै मात्रै प्रदर्शन मिति तय गरेको ‘मेरो पैसा खोइ’ भिड्न आइपुगेको हो । 
यी दुबै चलचित्रमा केही समानता छन् । दुबैमा नायिका वर्षा राउत छिन् भने बुद्धि तामाङ पनि दुइटै चलचित्रमा दोहोरिएका छन् । यस्तै यी दुई चलचित्रको अर्को समानता जानरा हो । दुबै चलचित्र कमेडी जनारामा निर्माण भएका छन् । 

‘छक्का पञ्जा–२’ लाई दिपाश्री निरौलाले निर्देशन गरेकी हुन् भने ‘मेरो पैसा खोइ’ लाई रोज राणाले निर्देशन गरेका हुन् । भारतीय चलचित्र निर्देशक विवेक शर्माले निर्देशन गर्ने भनिएको ‘मेरो पैसा खोइ’ निर्देशन गर्दागर्दै भगेपछि निर्माता राणाले नै यो चलचित्रलाई निर्देशन गरेका हुन् । 

‘मेरो पैसा खोइ’ काठमाडौंमा ११ गते रिलिज भए पनि मोफसलमा भने असोज २० गते मात्रै रिलिज हुनेछ । 

 

photo

NOC1-250x300