चुरोट र रक्सीपछि चिनीजन्य पेयको बिक्री पनि नियमन गरिने: स्वास्थ्यमन्त्री थापा

 स्वास्थ्य मन्त्रालयले चुरोट र रक्सीजस्तै चिनीजन्य पेयपदार्थको बिक्री पनि नियमन गर्ने भएको छ।timthumb (4)
पोखरामा जारी नेपाल साहित्य महोत्सवको अन्तिम दिन ‘चाँदीको घेरा’ शीर्षक कार्यक्रममा बोल्दै स्वास्थ्यमन्त्री गगन थापाले उक्त जानकारी दिएका हुन्।
‘मोटोपनाको समस्या समाधान गर्न हामीले सुगरी ड्रिङ्क्स (चिनीजन्य पेय) बेच्न पाउनेमा नियमन सुरु गरिसक्यौं,’ मन्त्री थापाले कार्यक्रममा भने। यसका लागि चिनीजन्य पेयको बिक्री नियमन गर्न कानुन ल्याउने तयारी भइरहेको बताए।
चिनीजन्य पेयका कारण मोटोपना बढेको विभिन्न अध्ययनले समेत पुष्टि गरेको छ। विभिन्न देशले यसको उपभोग निरुत्साहित गर्न राजस्व वृद्धि लगायत उपाय अपनाउन थालेका छन्।
नेपालमा भने अहिलेसम्म यस्ता पेयपदार्थको बिक्री नियन्त्रण तथा नियमन गर्ने कानुन छैन। स्वास्थ्य मन्त्रालयले केही दिनअघि तोकिएको ठाउँबाट मात्र चुरोट, खैनीलगायत सूर्तीजन्य वस्तु बिक्री गर्न पाइने नियम लागू गरेको थियो। चिनीजन्य पेयका हकमा पनि कसरी बिक्रीलाई नियमन गर्न सकिन्छ भनी कानुन ल्याउने तयारी भइरहेको स्वास्थ्यमन्त्रीका सल्लाहकार प्रताप पौडेलले सेतोपाटीलाई बताए।
‘सूर्तिजन्य पदार्थको बिक्री तोकिएको ठाउँबाट मात्र गर्न पाइने नियम ल्याएजस्तै चिनीजन्य पेयपदार्थलाई पनि नियमन गर्ने तयारीमा छौं,’ उनले भने, ‘हामीकहाँ त मादक पदार्थ नियमनको पनि छुट्टै कानुन छैन। हामी त्यो पनि बनाउँदै छौं।’

 

प्रतिक्रिया दिनुहोस्
सम्बन्धित वर्गका समाचारहरू

असोज दुई र तीन गते नेसनल हेल्थ समिट टु को आयोजना हुने

पिपुल नेपाल,१ भदौ ,काठमाडौं । नेपाल चिकित्सक संघले आगमी असोज दुई र तीन गते काठमाडौंमा

सामाजिक सुरक्षा कोषद्वारा ४ प्रकारको सापटी सेवा दिन शुरु

काठमाडौँ, १ भदौ । सामाजिक सुरक्षा कोषअन्तर्गत योगदानमा आधारित सामाजिक सुरक्षा योजनामा योगदान गर्ने श्रमिकले कोषबाट

नेपालमा पहिलो अक्सिजन प्लान्ट स्थापना गर्ने ब्यक्ति : डा.सागरकुमार राजभण्डारी

पिपुल नेपाल संवाददाता,२६साउन,भक्तपुर। ३७ वर्ष  सरकारी स्वास्थ क्षेत्रमा कार्य सम्पादन गरेर सेवाबाट अवकाशप्राप्त पश्चात् पुनः

वातावरण प्रदुषणको चुनौती  र समाधान 

पीपुल नेपाल । श्रावण २४, काठमाडौं  । हाम्रो वरिपरि हामीले देखेका माटो, हावा पानी, प्राणी, वनस्पति

विप्लवविरुद्ध पक्राउ पुर्जी जारी

साउन १६, काठमाडौं । नेपाल कम्युनिष्ट पार्टीका महासचिव नेत्रविक्रम चन्द विप्लवसहितका नेताहरूविरुद्ध पक्राउ पुर्जी जारी