चुनाव चिह्न नदिने निर्वाचन आयोगको निर्णयविरुद्ध २४ दल एकजुट

Naya-Shakti-and-24-parties-काठमाडौं । व्यवस्थापिका संसद बाहिर रहेका दलहरुलाई चुनाव चिन्ह नदिने निर्वाचन आयोगको कदमप्रति नयाँ शक्ति पार्टी, नेपालसहति २४ वटा राजनीतिक दलहरुले आपत्ति जनाएका छन् ।

नयाँ शक्तिको पार्टी केन्द्रीय कार्यालय बबरमहलमा विहिबार पत्रकार सम्मेलन गरी निर्वाचन आयोगले बहुदलीय प्रतिस्पर्धात्मक व्यवस्थामा लोकतन्त्रको मुल मर्म र मान्यतालाई उपहास गरेर दलहरुले ठहर गरेका छन् । संविधानको धारा २०७० र बहुदलिय व्यवस्थाको अन्तराष्ट्रिय मान्यता अुनसार आआफ्नो पहिचान (चुनाव चिन्ह) सहित विचार धारा, दर्शन र कार्यक्रम प्रचार प्रसार गर्ने र निर्वाचनमा भाग लिन पाउने नैशर्गिक र अविछिन्न अधिकार भएको बताएका छन् ।

पत्रकार सम्मेलनमा बोल्दै नयाँ शक्ति पार्टीका राष्ट्रिय मामिला संयन्त्रका संयोजक परशुराम तामाङले सरकारले स्थानीय तहको निर्वाचनको मिति घोषणा गरे पनि निर्वाचनको लागि अनुकुल वातावरण निर्माण गर्न नसकेको बताउनुभयो । उहाँले भन्नुभयो,‘सरकारलाई दलहरुलाई निर्वाचनमा भाग लिन पाउने अधिकारबाट बञ्चित नगराउन र निर्वाचनको अनुकुल वातावरण निर्माण गर्न आग्रह गर्दछौँ ।’

उहाँले संसदबाहिरका दलहरुलाई निर्वाचनमा भाग लिन पाउने अधिकारबाट बञ्चित नगराउन पनि माग गर्नुभयो । सरकारले स्वतन्त्रतापूर्वक निष्पक्ष, धाँधलीरहित वातावरणमा सबै राजनीतिक दहरुलाई सहभागी गराउने वातावरण निर्माण गर्न पनि संयोजक तामाङले माग गर्नुभयो ।

नेता तामाङले सरकारले संविधानको धारा २०७० बर्खिलाप हुने गरी कानुन बनाएर राजनीतिक दलमाथि प्रतिवन्ध लगाउन खोजेको धारणा राख्नुभयो ।

उहाँले निर्वाचनबाट बाहिरिने हाम्रो कुनै मनशाय नभएको बरु उत्साहपुर्वक निर्वाचनमा सहभागी हुन चाहेको बताउनु भयो । सोही कार्यक्रममा नेपाल संघीय समाजवादी पार्टीका संयोजक एवं पूर्व गृहराज्यमन्त्री रिजवान अन्सारीले सरकारले लोकतान्त्रिक व्यव्यस्थाको उपहास गरेको बताउनुभयो । सरकारले संविधान विपरित राजनीतिक दलमाथि प्रतिवन्ध लगाउन खोजेको उहाँले बताउनुभयो ।

सरकार संविधान विपरित गएर समानुपातिक समाबेशीतामाथि लगायतका उपलब्धिलाई सिध्याउन लागि परेको आम आदमी पार्टीका संयोजक अशोककुमार यादवले बताउनुभयो ।

प्रतिक्रिया दिनुहोस्
सम्बन्धित वर्गका समाचारहरू

भिभोद्वारा नेपालमा आफ्नो पाचौं वार्षिकोत्सव मनाउन सबैभन्दा ठूलो सेल्स कार्निभल आयोजना

१६ मंसिर,काठमाडौं । भिभो, एक विश्वव्यापी अग्रणी स्मार्टफोन ब्रान्डले आज नेपालमा आफ्नो ५ वर्ष पूरा

सुकुम्बासीहरुलाई तत्काल नहटाउन राष्ट्रिय भुमी आयोगको आग्रह

१६ मंसिर,काठमाडौं । राष्ट्रिय भुमी आयोगले राजधानी काठमाडौंलगायतका ठाउँहरुमा रहेका सुकुम्बासीहरुलाई अहिले नहटाउन आग्रह गरेको

प्रचण्डले विचार र सिद्धान्त छोड्दा सिद्धियो माओवादी !

नेपालमा २०५२ फागुन १ गतेबाट जनयुद्द शुरु भयो । नेकपा माओवादी केन्द्रका अध्यक्ष पुष्पकमल दाहाल

नेस्वहोमयु को ४२ औं वार्षिक उत्सव:श्रमजीवीहरुलाई एकतावद्ध आन्दोलनमा सरिक हुन अध्यक्ष श्रेष्ठको आव्हान

१३ मंसिर,काठमाडौं ।नेकपा (एमाले) पोलिटब्युरो सदस्य एवं  नेपाल ट्रेड युनियन महासंघ (जिफन्ट) का अध्यक्ष विनोद

आगामी पांच वर्षभित्रमा श्रमिकहरुको तलब २५ हजार पुर्‍याउने नेता बिष्णु रिमालको उदघोष

१२ मंसिर,काठमाडौं । नेकपा एमालेका उपमहासचिव एवं नेपाल ट्रेड युनियन महासंघ(जिफन्ट) का संरक्षक बिष्णु रिमालले

समानुपातिकतर्फ माओवादी केन्द्रलाई घण्टिले जित्यो,९० लाख मत गन्दा एमालेको अग्रता कायमै

११ मंसिर, काठमाडौँ । समानुपातिकतर्फ ९० लाख ९३ हजार ७६१ मत गणना हुँदा नेकपा(एमाले) को