चुनाव कात्तिकमा गराउँ : गच्छदार

all-party-meeting-bijay-gachhadar7

 काठमाडौ बैशाख ६– बैशाख ३१ गते स्थानीय चुनाव हुने कि नहुने अन्योल भइरहेकाबेला मधेशी जनअधिकार फोरम नेपाल लोकतान्त्रिकका अध्यक्ष विजयकुमार गच्छदारले कात्तिकमा चुनाव गर्ने नयाँ प्रस्ताव अघि सारेका छन् ।

बुधबार सत्ताधारी प्रमुख प्रतिपक्ष्सहित पाँच दलको बैठकमा गच्छदारले निर्वाचन सार्न सुझाव दिएका हुन् । गच्छदारले स्थानीय चुनावअघि संसद र प्रदेशको चुनाव गर्नुपर्ने सुझाएका छन् ।

फोरम लोकतान्त्रिकका महासचिव रामजनम चौधरीकाअनुसार लोकतान्त्रिकले मधेशी मोर्चासँग सहमति बन्न नसकिरहेको अवस्थामा कात्तिकमा संसदको चुनाव र त्यसपछि प्रदेशको अनि स्थानीय चुनाव गराउन सुझाव दिएको छ ।

 

स्थानीय तहको चुनावका लागि मधेशी मोर्चा तयार नभएपनि संसदको चुनावका लागि तयार हुने अध्यक्ष गच्छदारको दावी थियो । सविधान संशोधनमा मधेशी मोर्चासँग सहमति हुने सम्भावना धेरै कम रहेको भन्दै यस अवस्थामा चुनाव पनि हुन नसक्ने उनले बताए । कात्तिकमा संसदको चुनाव गराउँदा राम्रो हुने सुझाव दिएको चौधरीले जानकारी गराए ।

महासचिव चौधरीले भने– ‘मधेशी र थारुको माग सम्बोधन हुने गरी सविधान संशोधन नभए स्थानीय चुनाव हुन सक्दैन भन्ने कुरा बैठकमा राख्यौं, यदि यसबीचमा सहमति हुन सक्दैन भने कात्तिकमा संसद र प्रदेशको चुनाव गरी प्रदेश मातहत स्थानीय तहको चुनाव गराउँदा राम्रो हुने सल्लाह दिएको तर त्यसको जवाफ केही पाएनौं ।’

तीन दलको बीचमा भएको १६ बुँदे सहमति तोडेका कारण राजनीतिकमा यस्तो समस्या उत्पन्न भएको पनि गच्छदारले बैठकमा राखेका थिए ।

अध्यक्ष गच्छदारले एमालेका अध्यक्ष केपी शर्मा ओली, काँग्रेस सभापति शेरबहादुर देउवा र माओवादी केन्द्रका अध्यक्ष प्रचण्डको नामै किटान गरी १६ बुँदे सम्झौता उल्लंघन गरेको दाबी गरेका थिए । ‘तपाईँहरुकै कारण नेपाली जनताले दुख पाइरहेका छन् ।’ गच्छदारले भनेका थिए ।

प्रतिक्रिया दिनुहोस्
सम्बन्धित वर्गका समाचारहरू

सरकार भ्रष्ट भयाे : रवीन्द्र मिश्र

By Peoplenepal काठमाडौँ, १२ असोज । राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष रवीन्द्र मिश्रले

मेयर बासुदेव थापाद्धारा नारायण भगवानको दश अवतार मन्दिर समुद्घाटन

१२ असोज,भक्तपुर । सुर्यविनायक नगरपालिका ७ गुण्डु कार्की गाउमा नव निर्मित नारायण भगवानको दश अवतार

अमेरिकी सहायक विदेशमन्त्री ट्रुडो काठमाडौँ आईपुगिन

काठमाडौँ, १२ असोज । अमेरिकी विदेश मन्त्रालयको विश्वव्यापी सार्वजनिक मामिला हेर्ने कार्यवाहक सहायक विदेशमन्त्री एलिजावेथ ट्रुडो

अर्जुनबन्धु रेग्मीको दादागिरी,निर्माणकार्यको पैसा माग्दा ज्यानमार्ने धम्की

११असोज,काठमाडौं । सिन्धुज्वाला हाईड्रोका चियरम्यान अर्जुन बन्धु रेग्मीले हाइड्रोपावरको प्रिफ्याब भवन तथा मेसिनरीवाल निर्माण कार्य

मध्यपुर थिमी वडा नं ४ को कार्यालय उद्धाटन तथा शुभकामना आदानप्रदान कार्यक्रम सम्पन्न

११ असोज,भक्तपुर । नेकपा (एमाले) मध्यपुर थिमी वडा नं ४ को कार्यालय उद्धाटन तथा बडा

तरुण विभागका केन्द्रीय सदस्य सहित दर्जनौं युवाहरू एमाले प्रवेश

१० असोज ,भक्तपुर । नेपाली काङ्ग्रेसको तरुण विभागको केन्द्रीय सदस्य अरुण सापकोटा र नेकपा एकीकृत