चुनावमा सहरबाट खेदिएपछि कांग्रेसमा बबाल

congress-central-committee-65678212

६ जेठ, काठमाडौं । संविधानसभाको २०७० सालको निर्वाचनमा कांग्रेसले १० मध्ये काठमाडौंका ९ क्षेत्रमा चुनाव जितेको थियो । त्यही बलमा स्थानीय तहको चुनावमा एमालेलाई सहरबाट खेद्ने दाबी कांग्रेसले गर्दै आए पनि प्रारम्भिक मतगणना र नतिजामा कांग्रेस एमालेभन्दा धेरै पछाडि परेको छ ।

प्रतिष्ठाको विषय जोडिएको काठमाडौं महानगरमा ५० हजार मत गन्दा कांग्रेसका उम्मेदवार राजुराज जोशी एमालेका विद्यासुन्दर शाक्यभन्दा ६ हजारले पछि परेका छन् । अर्कोतिर नयाँ पार्टी विवेकशीलकी २१ वर्षीया उम्मेदवार रन्जु दर्शनालेसमेत प्रमुखमा सात हजार मत ल्याएर कांग्रेसलाई चुनौति दिएपछि कांग्रेसमा हल्लीखल्ली सुरु भएको छ ।

आफ्नो पकड भएका ठाउँमा एमालेले गतिलो चुनौति दिने र आफ्नो भोट नयाँ दलहरु विवेकशील र साझा पार्टीले काटेको भन्दै कांग्रेसको केही दिन अघि बसेको बैठकले अब दोस्रो चरणको निर्वाचनका सबै बल प्रयोग गर्ने निर्णय नै गर्यो ।

काठमाडौंमा हार्ने दिशातर्फ अघि बढिरहेको कांग्रेसले ललितपुरमा भने दुई हजारको अग्रता एमालेसँग लिइरहेको छ । तर, त्यहाँ पनि अग्रतामा पछि पर्न सक्ने डर कांग्रेसका नेता कार्यकर्तामा छ ।

बलियो पकड भएको पोखरा महानगरमा समेत कांग्रेस पछाडि परेको छ । माओवादीसँग तालमेल गर्नुका बाबजुद पनि एमाले उम्मेदवारले पछाडि छोडेपछि प्रमुख ठाउँ नै गुमाउने हो की भन्ने चिन्ता देखिन थालेको छ ।

सहरी भाग धेरै रहेको र काठमाडौंमा महानगरपछि धेरै जनसख्या भएको, गगन थापा, नरहरि आचार्य जस्ता हस्तीले जितेको बुढानिलकण्ठमासमेत कांग्रेसको हारको संघारमा पुगेको छ । ठूला नेता नै भएको स्थानमा हारतर्फ अघि बढ्ने अवस्था र सहरी क्षेत्रमा पकड गुमाएपछि कांग्रेसका नेताहरुले अब आत्मसमीक्षा आवश्यक भएको टिप्पणीगरेका छन् ।

कांग्रेस नेता मीन विश्वकर्माले आफ्नाहरुबाटै घात भएको आशयको पोस्ट सेयर गरेका छन् । कांग्रेसका दर्जनौं नेता कार्यकर्ताले पार्टीको लिएको केही गलत अडानका कारण पनि पार्टी पछाडि परेको टिप्पणी गरेका छन् ।

दुई दिन अघिको चुनावी समीक्षा बैठकमासमेत नेता रामचन्द्र पौडेल पक्षका नेताहरुले कांग्रेसले आइजिपी काण्ड, प्रधानन्यायाधीशमाथिको महाअभियोग जस्ता विषयले पार्टीलाई हानी गरेको बताएका थिए । साथै, माओवादीसँग चुनावी तालमेल गर्दा पनि राम्रो सन्देश नगएको बताएका थिए ।

काठमाडौं बाहिरको कांग्रेस पकड रहेको सहर बनेपा नगरपालिका र पनौती नगरपालिकामा समेत एमालेले बाजी मारेको छ । बनेपामा स्थानीय उम्मेदावर उठाए पनि बादे परिवारबाट लक्ष्मी नरसिंह बादे एमालेबाट प्रमुखमा उठेपछि उनले जित हात पारे । तर, कांग्रेसकै मानिएको बनेपामा कांग्रेसलाई धेरै मत आउन सकेन ।

पनौती पनि कांग्रेसको गढ रहेको क्षेत्र हो । तर, त्यहाँ नि पनौतीभन्दा बाहिरका एमाले उम्मेदवार भीम न्यौपानेले पनौतीबाट उठेका कांग्रेस उम्मेदवारलाई पराजित गरिदिए ।

एकपछि अर्को गर्दै सहरी क्षेत्रमा पकड गुमाउन थालेपछि नेता कार्यकर्ताले पार्टीभित्रैबाट अन्तरघात भइरहेको भन्दै असन्तुष्टि व्यक्त गरिरहेका छन् । पोखरा महानगरमा कांग्रेसको खस्नुपर्ने भोट नै नखसेपछि नगरका कांग्रेस सभापतिले राजीनामा नै दिएका छन् ।

 

प्रतिक्रिया दिनुहोस्
सम्बन्धित वर्गका समाचारहरू

सहकारीका बारेमा विज्ञ टोलीद्वारा अध्ययन प्रतिबेदन नगर प्रमुख श्री बासुदेब थापालाई हस्तान्तरण

१४ असोज,भक्तपुर । सुर्यविनायक नगरपालिका भित्रका सहकारीका बारेमा विज्ञ टोलीद्वारा अध्ययन प्रतिबेदन नगर प्रमुख श्री

माओवादीमा पहिरो नेता डङ्गोल सतित ३०० बढी नेता कार्यकर्ता एमाले प्रवेश

१५ असोज,काठमाडौं । नेकपा  माओवादी केन्द्रका केन्द्रिय सदस्य सरोज सिं डंगोल सहित ३०० भन्दा बढी

जिफण्टले प्रत्येक बुथहरुको लागि पच्चीस हजार स्वयं सेवक परिचालन गर्दैछ,अध्यक्ष श्रेष्ठ

१४ असोज,काठमाडौं । नेकपा एमालेका पोलिटब्युरो सदस्य एवं नेपाल ट्रेडयुनियन महासंघ (GEFONT) का अध्यक्ष विनोद

गठबन्धनले तीन जिल्ला बाहेक सिट भागबण्डा  टुंग्यायो

१४ असोज,काठमाडौं । सत्तारुढ गठबन्धनले आगामी प्रतिनिधिसभा निर्वाचनको लागि  उमेदवारहरुको भगबण्डा टुङ्गो लगाएको छ ।

स्वतन्त्र उमेदवारीको तयारीमा समाजसेवी श्रीभक्त कासिछवा

१३ असोज,भक्तपुर। समाजसेवी तथा उद्योगवाणिज्य संघ चांगुनारायणका अध्यक्ष श्रीभक्त कासिछवाले  स्वतन्त्र उमेदवारी दिने तयारी गरिरहेको

बाबा मेनपावर बाट दुबई गएका दर्जनौं युवाहरू ४ महिनादेखि अलपत्र,नेपाल झिकाइदिन आग्रह

१२असोज,काठमाडौं । नयाँ बानेश्वरमा रहेको बाबा ह्युमन रिसोर्स म्यानेजमेन्ट प्रा.लि बाट मोटरसाइकल राईडिङमा काम गर्न