चीनबाट २८ टन स्वास्थ्य सामग्री बोकेर नेपाल उड्यो जहाज

काठमाडौं, जेठ १५ : कोरोना महामारी रोकथाम तथा नियन्त्रणका लागि सेनाले खरिद गरेको २८ टन स्वास्थ्य सामग्री बोकेर नेपाल वायु सेवा निगमको जहाज चीनकाे गोन्जाउबाट आज (बिहीबार) बिहान नेपालका लागि उडेको छ।

नेपाल एयरलाइन्सकाे एयरबस ए-३३० काेराेना परीक्षण गर्ने  किट, स्वास्थ्य सुरक्षा सामग्री पीपीई र काेभिड-१८ का लागि अत्यावश्यक अन्य स्वास्थ्य सामग्री लिएर बिहीबार बिहान ६ः३९ बजे चीनबाट काठमाडौंका लागि उडेको हो।

नेपाली सेनाले चीनमा २ अर्ब २६ करोडमा ६७ थरी स्वास्थ्य सामाग्री खरिद गरेको छ। सेनाले जहाजबाट अहिले दोस्रो लटमा सामग्री ल्याइरहेकाे हाे। तर स्थलमार्गबाट समेत गर्दा याे तेस्राेपटक हाे। 

पहिलाेपटक सेनाले तातोपानी नाका हुँदै करिब ८ टन सामग्री ल्याएको थियो भने दोस्रो लटमा जहाजबाट १८.९ टन सामग्री ल्याएको थियो। 

 

photo

NOC1-250x300