people Nepal » गोरखामा यसरी भयो आचारसंहिता उल्लंघन गोरखामा यसरी भयो आचारसंहिता उल्लंघन – people Nepal

गोरखामा यसरी भयो आचारसंहिता उल्लंघन

गोरखा – स्थानीय निर्वाचन आचारसंहिता २०७३ को उल्लंघन गर्दै सांसद, प्रजिअ तथा विभिन्न कार्यालयका प्रमुख सहभागी ४० जनाको जम्बो टोली सार्वजानिक कार्यक्रममा सहभागी भएका छन् ।यो खबर आजको अन्नपूर्ण पोस्टमा छ ।

आचारसंहिता लागू भइसकेपछि सोको उल्लंघन गर्दै माओवादी केन्द्रबाट निर्वाचित सांसद छमबहादुर गुरुङ, प्रजिअ जितेन्द्र बस्नेत, एसपी जनकराज पाण्डेय, सहायक प्रजिअ केशव शर्मा, सशस्त्र प्रहरी बलका डिएसपी राजेन्द्र श्रेष्ठ, राष्ट्रिय अनुसन्धानका डिएसपी जितबहादुर घलेलगायत कार्यालयका प्रमुख आठ वटा गाडी रिजर्भ गरी धार्चे गाउँपालिकाअन्तर्गत गुम्दा, लाप्राकलगायत गाउँमा आयोजित सार्वजानिक कार्यक्रममा सहभागी भएका हुन् ।

स्थानीय निर्वाचन आचारसंहिता २०७३ को परिच्छेद ३ को दफा ७ को उपदफा-२ मा नेपाल सरकार, सार्वजनिक संस्था र स्थानीय तहका कर्मचारीले कुनै पनि कार्यक्रम, योजनाको शिलान्यास, उद्घाटन, अनुगमन, अध्ययन वा सोका लागि अनुदान दिनेजस्ता कार्यक्रम गर्न वा गराउन नपाइने उल्लेख छ तर केही सातादेखि चुनाव प्रचारप्रसारको कार्यक्रममा सरिक भइरहेका सांसद गुरुङ तथा सरकारी जम्बो टोलीले केयर नेपालले हालै गुम्दामा निर्माण सम्पन्न गरेको आलु संकलन, लाप्राकको सिस्नुपाउडर प्रवद्र्धन कार्यक्रम तथा अल्लोबाट विभिन्न बस्तु बनाउने कार्यक्रमको बिहीबार र शुक्रबार अनुगमन गरेका हुन् ।