गैरकानुनी धन्दा चलाएको भन्दै काठमाडौंबाट ७० विदेशी पक्राउ, अधिकांश चिनियाँ नागरिक

प्रहरीले गैरकानुनी गतिविधिमा संलग्न भएको आरोपमा झण्डै ७० जना विदेशी नागरिकलाई पक्राउ गरेको छ।

सोमबार प्रहरीले काठमाडौंका विभिन्न स्थानबाट ७० जना विदेशी नागरिक पक्राउ गरेको हो । पक्राउ पर्नेमध्यै अधिकांश चिनियाँ नागरिक रहेको प्रहरीले जनाएको छ ।

पक्राउ परेकाहरु भिजिट भिसामा नेपाल आएको प्रहरीले बताएको छ । तर नेपालमा नै कार्यालय खोलेर गैरकानुनी गतिविधि गरेको पाइएपछि विदेशी नागरिक पक्राउ गरिएको महानगरीय प्रहरी परिसर काठमाडौंले जनाएको छ।

प्रहरीले सोमबार ‘विशेष अप्रेसन’ चलाएर बुढानिलकण्ठ, मनमैजु, बाँसबारीलगायत ठाउँबाट विदेशी नागरिक पक्राउ गरेको हो। पक्राउ परेकाहरु संलग्न गैरकानुनी धन्दाबारे प्रहरीले केही खुलाएको छैन ।

प्रहरीले पक्राउ परेकाहरुबाट ल्यापटप, मोबाइल नगदलगायत समेत बरामद गरेको छ ।

 

photo

NOC1-250x300