क्रिकेट रंगशाला बारे उपप्रधानमन्त्रीको चासो

काठमाडौं बैशाख १८; उपप्रधानमन्त्री ईश्वर पोखरेलले चितवनमा निर्माणाधिन गौतमबुद्ध अन्तर्राष्ट्रिय क्रिकेट रंगशालाका विषयमा चासो लिएका छन। क्रिकेट रंगशाला निर्माणका अभियन्ता एवं ध्रुमुस –सुन्तली फाउन्डेशनका अध्यक्ष सिताराम कट्टेल ‘ध्रुमुस लाई आज सिंहदरबारस्थित आफ्नै कक्षमा भेट्दै उपप्रधानमन्त्री पोखरेलले अन्तर्राष्ट्रिय क्रिकेट रंगशाला निर्माणमा भइरहेका प्रगति र सरकारले गर्न सक्ने सहयोगका विषयका छलफल गरेका थिए ।

उपप्रधानमन्त्री पोखरेलले प्रेरणादायी, प्रसंशनीय कार्य गरेको भन्दै ध्रुमुस –सुन्तली फाउन्डेशनको प्रशंसा गरेका थिए । उपप्रधानमन्त्री पोखरेलले राज्यका तर्फबाट रंगशालालाई सक्दो सहयोग गर्ने प्रतिबद्धता जनाउँदै प्रधानमन्त्री केपी शर्मा ओलीसँग पनि यसबारे छलफल गर्ने बताए । उपप्रधानमन्त्रीले भेट्न बोलाएर रंगशालाको बारेमा चासो लिएपछि ध्रुमुस –सुन्तली निकै भाबुक भएका थिए ।

राज्यलाई सघाउने अभियन्ता भएको भन्दै आफैले बोलाएर चासो लिएकोमा उपप्रधानमन्त्रीलाई सिताराम कट्टेल ‘ध्रुमुसले धन्यवाद दिएका थिए । अहिलेसम्म बिभिन्न क्षेत्र र दाताबाट ३३ करोड संकलन भएकोमा ४६ करोड भन्दा बढी खर्च भइसकेकाले १३ करोड ऋण रहेको जानकारी सिताराम कट्टेल ‘ध्रुमुसले जानकारी गराएका थिए । रकमको जोहो भए ६ महिनादेखि एक बर्षसम्ममा अन्तर्राष्ट्रिय क्रिकेट रंगशाला तयार हुने उनले बताएका थिए ।

 

photo

NOC1-250x300