कोरोना भाइरस संक्रमण : मृत्यु हुनेको संख्या ८ सय ३ पुग्यो

माघ २६, एजेन्सी : चीनमा फैलिएको नयाँ भाइरस कोरोनाको सङ्क्रमणबाट मृत्यु हुनेको संख्या ८ सय ३ पुगेको छ ।  

करिब बीस वर्ष अगाडि सार्स भाइरसको सङ्क्रमण फैलँदा मृत्यु हुनेको सँख्यालाई कोरोना भाइरसबाट मृत्यु हुनेको संख्याले उछिनेको छ ।  

सन् २००३ मा सेभेर अक्युट रेस्पिरेटोरी सिन्ड्रोम वा सार्स भनिने भाइरसको सङ्क्रमणबाट विश्वभरका दुई दर्जन देशमा ७७४ जनाको मृत्यु भएको थियो ।  

कोरोना भाइरसले चीनको हुबेइ प्रान्तमा मात्र ७८० जनाको मृत्यु भएको छ भने, कुल मृतकको सङ्ख्या ८०३ पुगेको छ।

तीमध्ये एकजनामात्र चीन र हङ्‍कङभन्दा बाहिरका व्यक्ति हुन्। तर नयाँ कोरोना भाइरसबाट मृत्यु हुनेको अनुपात भने सार्सभन्दा निकै कम रहेको छ।

यसैबीच कोरोना भाइरसबाट ३४,८०० मानिस सङ्क्रमित भइसकेका छन्।

 

photo

NOC1-250x300