कोरोना भाइरसको त्रासः फेसबुकको वार्षिक सम्मेलन समेत रद्द !

facebook_NoLBea5upvएजेन्सी, १६ फागुन ।  कोरोना भाइरसको त्रासका कारण फेसबुकले आफ्नो एक वार्षिक सम्मेलन रद्द गरेको छ ।

फेसबुकले क्लालिफोर्नियामा हुने भनिएको विकासकर्ता (डेभेलोपर) को वार्षिक सम्मेलन रद्द गरेको छ । चीनको वुहानबाट सुरु भएको कोरोना भाइरस विश्वभर फैलिँदै गएपछि फेसबुकले पछिल्लो निर्णय लिएको हो ।

फेसबुकले गत वर्ष आयोजना गरेको डेभेलोपर कन्फेरेन्समा विश्वभरबाट ५ हजार मानिस सहभागी भएका थिए । यस वर्ष पनि विश्वभरका डेभेलोपरहरूलाई आकर्षित गर्ने उद्देश्यले यही मे ५ र ६ मा क्यालिफोर्नियाको सान होसमा विकासकर्ताको सम्मेलन हुने तय भएको थियो ।

तर कोरोना भाइरसको त्रासका कारण उक्त सम्मेलन स्थगित गरिएको अन्तर्राष्ट्रिय समाचार माध्यमले जनाएका छन् । सम्मेलनको सट्टा स्थानीय रुपमा गरिएका क्रियाकलाप, भिडियो र प्रत्यक्ष प्रसारित सामग्रीको कम्बो आयोजना गरिने फेसबुकका फ्लाटफर्म निर्देशक कोन्स्टान्टिनोस पापामिल्टियाडिसले बताए ।

‘कार्यक्रमको सट्टा कम्पनीले स्थानीय रूपमा गरिएको क्रियाकलाप, भिडियोहरू र प्रत्यक्ष प्रसारित सामग्रीको कम्बो आयोजना गरिने छ’, पापामिल्टियाडिसले भने ।

त्यस्तै फेकबुकका प्रवक्ताले रोयटर्ससँग कुराकानी गर्दै आफ्ना कर्मचारीमाथि यात्रा प्रतिबन्ध पनि लगाएको बताएका छन् । फेसबुकले आफ्ना कर्मचारीहरूलाई चीन, दक्षिण कोरिया र इटलीको भ्रमण नगर्न भनेको ती प्रवक्ताले बताए । तर यात्रामाथि लगाइएको प्रतिबन्ध अस्थायी हुने पनि उनको भनाइ थियो ।

माइक्रोसफ्टले भने सियाटलमा मे महिनामा नै विकासकर्ताको सम्मेलन हुने बताएको छ । तर मार्चमा सान फ्रान्सिस्कोमा हुने भनिएको गेमिङ् सम्मेलन स्थगित गरिएको छ ।

यसैगरी अन्य साना कम्पनीहरुले पनि तय गरिएका आफ्ना कार्यक्रम रद्द गर्ने निणय लिइसकेका छन् ।  क्यालिफोर्नियास्थित कस्मेटिक सामग्री बिक्रेता सान्टा मोनिकाले आगामी हप्ताका लागि तय भएको नेतृत्व विकास सम्मेलन रद्द गरेको छ । ३ दिने सम्मेलनको सट्टा एक दिने अनलाइन भेला गरिने कम्पनीले जानकारी दिएको छ ।

कोरोना भाइरसले विश्वव्यापी प्रकोपको रुप लिन थालेपछि यसको प्रभाव आर्थिक क्षेत्रमा पनि देखिन थालेको छ । बढ्दो चिन्ता र डरसँगै वाल स्ट्रीटको कारोबार छैटौं दिनमा पनि गिरावट आएको छ ।

विश्व बजारमा सन् २००८ को आर्थिक संकटपछि कै खराब अवस्था देखिन थालेका छन् । कोरोना भाइरसका कारण अन्तर्राष्ट्रिय यात्रा र आपूर्ति चक्र अस्तव्यस्त भएपछि अमेरिका र युरोपमा आर्थिक मन्दीको त्रास देखिएको छ ।

बिहीबार अमेरिकाको शेयर बजारमा ४ प्रतिशतभन्दा बढीले गिरावट आएको  छ । त्यस्तै शुक्रबार एसियाली शेयर बजारमा पनि गिरावट आएको छ ।

प्रतिक्रिया दिनुहोस्
सम्बन्धित वर्गका समाचारहरू

सहकारीका बारेमा विज्ञ टोलीद्वारा अध्ययन प्रतिबेदन नगर प्रमुख श्री बासुदेब थापालाई हस्तान्तरण

१४ असोज,भक्तपुर । सुर्यविनायक नगरपालिका भित्रका सहकारीका बारेमा विज्ञ टोलीद्वारा अध्ययन प्रतिबेदन नगर प्रमुख श्री

मेयर बासुदेव थापाद्धारा नारायण भगवानको दश अवतार मन्दिर समुद्घाटन

१२ असोज,भक्तपुर । सुर्यविनायक नगरपालिका ७ गुण्डु कार्की गाउमा नव निर्मित नारायण भगवानको दश अवतार

अर्जुनबन्धु रेग्मीको दादागिरी,निर्माणकार्यको पैसा माग्दा ज्यानमार्ने धम्की

११असोज,काठमाडौं । सिन्धुज्वाला हाईड्रोका चियरम्यान अर्जुन बन्धु रेग्मीले हाइड्रोपावरको प्रिफ्याब भवन तथा मेसिनरीवाल निर्माण कार्य

सिन्धुज्वाला हाईड्रोमा ब्रम्हलुट,सेयर सदस्यको पैसाले चुर्नप्रसादको पेट्रोल पम्प

१० असोज,काठमाडौं । सिन्धुपाल्चोकको गुम्बा स्थित निसमखोलामा कार्यक्षेत्र हुने गरि दर्ता भएको ४३ मेगावाटको सिन्धुज्वाला

संघ र स्थानीय सरकार बलियाे पाराैं, प्रदेश खारेज गराैं: राजेन्द्र लिङ्देन

  आश्विन  १०, महोत्तरी / राष्ट्रिय प्रजातन्त्र पार्टीका अध्यक्ष राजेन्द्र लिङ्देनले कम्युनिष्ट र कांग्रेसका केही

सवारी जाम न्यूनिकरण गर्न न्यूरोडमा चार पांग्रे सवारी निषेध

८असोज,काठमाडौं । सवारी जाम न्यूनिकरण गर्न काठमाडौं महानगरपालिकाले न्यूरोड क्षेत्रमा चार पांग्रे सवारीसाधन निषेध गर्ने