कोरोनाको सन्त्रास : प्रशासन– यस वर्ष होली नमनाउनू ! [सूचनासहित]

 विश्वभर कोरोना भाइरसको सन्त्रास फैलिरहेका बेला होली नमनाउन प्रशासनले सबैमा अपिल गरेको छ ।

जिल्ला प्रशासन कार्यालय काठमाडौंले बिहीवार विज्ञप्ति जारी गर्दै होली लगायतका कार्यक्रम आयोजना नगर्न र त्यस्ता कार्यक्रममा सहभागी नहुन अपिल गरेको हो ।

छिमेकी मुलुक चीनबाट शुरू भएको कोरोना भाइरस (कोभिड १९)को संक्रमण युरोपदेखि अमेरिकासम्म पनि फैलिसकेको छ ।

चीन मात्र होइन नेपाललाई ३ तिरबाट घेरेको र खुला सीमा रहेको भारतमा समेत कोरोनाको संक्रमण पाइएको छ ।

नेपालमा पनि यसको संक्रमण फैलिन सक्ने डरले होली नमनाउन जिल्ला प्रशासन कार्यालयले अपिल गरेको हो ।

यस वर्षको होली यही फागुन २६ (पहाडमा) र २७ (तराईमा) गते परेको छ ।

हेर्नुहोस्, विज्ञप्ति :

 

photo

NOC1-250x300