कास्कीका तीनै क्षेत्रमा एमालेको फराकिलो अग्रता

  २०७४ मङ्सिर २३ शनिबार १०:३३:००

काठमाडौं। तीन प्रतिनिधिसभा क्षेत्र रहेको कास्कीमा बाम गठबन्धनका एमाले उमेदवारले तीनै क्षेत्रमा फराकिलो अग्रता लिएका छन् ।

कास्की क्षेत्र नं १ मा पूर्व स्वास्थ्य मन्त्री तथा एमाले उमेदवार खगराज अधिकारीले १४ हजार ८८ मत ल्याउँदै अग्रता लिइरहेका छन् । उनका निकटम प्रतिस्पर्धी कांग्रेस उमेदवार तथा कानुनमन्त्री यज्ञबहादुर थापाले ९ हजार २३५ मत ल्याएका छन् । अधिकारी र मन्त्री थापाको अन्तर ४ हजार ८५३ रहेको छ ।

त्यसैगरी कास्की क्षेत्र नं २ मा एमाले युवा नेता रविन्द्र अधिकारीले १५ हजार ६४३ मतसहित फराकिलो अग्रता लिएका छन् । उनका निकट प्रतिस्पर्धी देवराज चालिसेले १० हजार ७७७ मत ल्याउँदै पछ्याइरहेका छन् । 

यता क्षेत्र नं ३ मा पनि एमालेकै जगन विश्वकर्माले १२ हजार ९६२ मतका साथ अग्रता लिइरहेका छन् । उनलाई कांग्रेसका शुक्रराज शर्माले १० हजार ३९६ मतसहित पछ्याइरहेका छन् ।

 

photo

NOC1-250x300