काठमाडौँ उपत्यकामा बर्षा संगै चिसो महशुस

काठमाडौँ बैशाख ९: आज बिहानैदेखि काठमाडौं उपत्यकाको मौसम बदली भएको छ । बिहान ५बजे देखि काठमाडौं उपत्यकामा मेघगर्जन सहित पानी पर्नाले चिसो महसुस गरिएको छ । जल तथा मौसम पूर्वानुमान महाशाखाका अनुसार स्थानीय र पश्चिमी वायुको प्रभावले देशका मध्य र पूर्वका केहि स्थानमा मेघगर्जन, चट्याङ्ग, असिना र हावाहुरीसहित पानी पर्ने सम्भावना रहेको जनाईएको छ ।

आज बिहिबार देशको विभिन्न प्रदेशमा सामान्य देखि पूर्ण बदली र आशिकदेखि सामान्य बदली रहने महाशाखाले जनाएको हो । महाशाखाको मौसमी बुलेटिन अनुसार आज दिउँसो देशभर आंशिकदेखि सामान्य बदली रहने भएको छ ।

यस्तै आज सुदुरपश्चिम प्रदेश, कर्णाली प्रदेश, गण्डकी प्रदेश र बागमती प्रदेशका केही स्थानहरु तथा अन्य प्रदेशका पहाडी भू-भागका थोरै स्थानमा मेघगर्जन र चट्टयाङ्ग र हावाहुरी सहित क्षणिक र हल्का वर्षाको सम्भावना रहेकोपनि जनाईएको छ । देशका केही स्थानहरुमा तुवाँलोको सम्भावना छ।

 

photo

NOC1-250x300