कसले गर्दैछ उत्तर कोरियालाई सहयोग ?

 

 २०७४ पौष ६ बिहीबार 

संसारका विभिन्न मुलुकको प्रतिवन्धका बावजुद पनि उत्तर कोरियाले कयौं मुलुकहरुसँग कुटनीतिक सम्बन्ध कायम राखेको छ । 

विश्वका झण्डै ५० देशले आज पनि उत्तर कोरियाका साथ कुटनीतिक सम्बन्ध कायम राखेका छन् । ती कुन कुन देश हुन् ? र उत्तर कोरियासँग कति नजिकको सम्बन्ध राख्दछन् ? 

यद्यपी उत्तर कोरियासँग दूरी बढाउने देशको संख्यामा लगातार वृद्धि भइरहेको छ तर यसका बावजुद पनि यति धेरै देशसँग यसको कुटनीतिक सम्बन्ध रहनु आश्चर्यजनक छ । 

सम्बन्ध तोड्ने दबाव

सन् १९४८ मा आफ्नो गठन पछि उत्तर कोरियाले झण्डै १६० देशहरुसँग  औपचारिक रुपमा कुटनीतिक सम्बन्ध कायम गरेको थियो । ५५ देशमा उत्तर कोरियाका दुतावास र ४८ देशमा वाणिज्य दुतावास रहेको बीबीसीले जनाएको छ ।

ब्रिटेन, जर्मनी, स्वीडेनसहित झण्डै २५ देशका कुटनीतिज्ञ अहिलेपनि उत्तर कोरियामा छन् । उत्तर कोरियाको गठन पछि उसका साथ सबैभन्दा पहिले कम्युनिष्ट मुलुकहरु चीन र रुसले कुटनीतिक सम्बन्ध स्थापित गरेका थिए । 
 

 

photo

NOC1-250x300