‘करिअर अष्ट्रेलिया’ बन्द, १५ हजार विद्यार्थी अलपत्र

1495795193963१२ जेठ, क्यानबेरा । अष्ट्रेलियाको एउटा ठूलो तालिमप्रदायक कलेज ‘करिअर अष्ट्रेलिया’ बन्द भएको छ । यसबाट १५ हजार विद्यार्थीहरुको भविष्य अन्योलमा परेको छ भने एक हजार कर्मचारीहरु रोजगारविहिन बनेका छन् ।

 

कमजोर उत्तिर्ण दर र त्रुटीपूर्ण भर्ना शैलीका कारणले यस कलेजलाई दिइने संघीय अनुदान ६ हप्ताअघि खारेज गरिएको थियो । बिहिबार भने कलेजलाई स्वेच्छिक प्रशासन (कलेजको जिम्मेवारी स्वतन्त्र व्यक्तिलाई दिइनु) मा राखिएको छ ।

अष्ट्रेलियाभर रहेका सो कलेजका १४ वटा क्याम्पसहरुलाई निलम्बनमा राखिएको छ भने शिक्षकहरुलाई बिदा दिइएको छ । प्रशासनको जिम्मेवारी लिएको पिपिबी एडभाइजरबाट कर्मचारीहरुले एउटा पत्र प्राप्त गरेका छन् जसमा तलव तथा अन्य खर्चका लागि कम्पनीसँग कोष अपर्याप्त रहेको उल्लेख गरिएको छ ।

‘तपाईंहरुलाई अर्को सुचना प्राप्त नहुञ्जेलसम्मका लागि बिनापारिश्रमिक जागिरबाट हटाइएको छ,’ पत्रमा भनिएको छ ।

प्रशासकहरु डेभिड म्याकइभोइ र मार्टिन फोर्डले कलेजलाई विक्री वा पुनःसंरचना गर्न सकिने सम्भावनाबारे तत्काल निक्र्यौल गर्न व्यवस्थापनसँग काम गरिरहेको बताए ।

‘यस कम्पनीका सबै विकल्पहरु अध्ययन गर्दा हामीले दुखद निर्णय लिँदै सबै कक्षाहरु बन्द गर्नुपरेको छ र कर्मचारीहरु हटाउनुपरेको छ,’ उनीहरुले एक विज्ञप्तिमा भनेका छन् ।

यस कलेजले सन् २०१३ र २०१५ को बीचमा २६ करोड ४० लाख डलर कमाएको थियो । तर यस अवधिमा केवल १४.७ प्रतिशत विद्यार्थीहरु मात्र ग्राजुयट भएका थिए ।

बि्रस्बेनमा रहेको बोवेन हिल्स क्याम्पसका एक शिक्षकका अनुसार बिहिबार दिउँसो कर्मचारीहरुलाई एउटा मिटिङमा बोलाइएको थियो र भनिएको थियो कि ‘अब सबै सकियो’ ।

‘कर्मचारीहरु रोइरहेका थिए र आफ्नो डेस्क खाली गरिरहेका थिए,’ उनले भने ।

मिडियाका अनुसार कलेजले कमजोर पृष्ठभूमिका विद्यार्थीहरुलाई लक्ष्यित गरी निशुल्क ल्याप्टपको लोभ देखाउने लगायत त्रुटिपूर्ण भर्ना अभ्यासहरु गर्दै आएको थियो ।

करिअर अष्ट्रेलियासँग सम्झौता गरेको इलेक्टि्रसियन तालिम दिने देशको सबैभन्दा ठूलो संस्था ‘मास्टर इलेक्टि्रसियन’ले क्वीन्सल्यान्डमा सयौं सिकारु इलेक्टि्रसयनहरुको जागिरको सम्भावना धराशयी भएको जनाएको छ । यस संस्थाका कार्यकारी प्रमुख माल्कोम रिचार्ड्सले सिकारु युवा इलेक्टि्रसियनहरुलाई उनीहरुको तालिम पुरा गर्न सहयोगका लागि आग्रह गरे ।

प्रतिक्रिया दिनुहोस्
सम्बन्धित वर्गका समाचारहरू

सहकारीका बारेमा विज्ञ टोलीद्वारा अध्ययन प्रतिबेदन नगर प्रमुख लाई हस्तान्तरण

१४असोज,भक्तपुर ।      सुर्यविनायक नगरपालिका भित्रका सहकारीका बारेमा विज्ञ टोलीद्वारा अध्ययन प्रतिबेदन नगर प्रमुख

जिफण्टले प्रत्येक बुथहरुको लागि पच्चीस हजार स्वयं सेवक परिचालन गर्दैछ,अध्यक्ष श्रेष्ठ

१४ असोज,काठमाडौं । नेकपा एमालेका पोलिटब्युरो सदस्य एवं नेपाल ट्रेडयुनियन महासंघ (GEFONT) का अध्यक्ष विनोद

गठबन्धनले तीन जिल्ला बाहेक सिट भागबण्डा  टुंग्यायो

१४ असोज,काठमाडौं । सत्तारुढ गठबन्धनले आगामी प्रतिनिधिसभा निर्वाचनको लागि  उमेदवारहरुको भगबण्डा टुङ्गो लगाएको छ ।

स्वतन्त्र उमेदवारीको तयारीमा समाजसेवी श्रीभक्त कासिछवा

१३ असोज,भक्तपुर। समाजसेवी तथा उद्योगवाणिज्य संघ चांगुनारायणका अध्यक्ष श्रीभक्त कासिछवाले  स्वतन्त्र उमेदवारी दिने तयारी गरिरहेको

बाबा मेनपावर बाट दुबई गएका दर्जनौं युवाहरू ४ महिनादेखि अलपत्र,नेपाल झिकाइदिन आग्रह

१२असोज,काठमाडौं । नयाँ बानेश्वरमा रहेको बाबा ह्युमन रिसोर्स म्यानेजमेन्ट प्रा.लि बाट मोटरसाइकल राईडिङमा काम गर्न

सरकार भ्रष्ट भयाे : रवीन्द्र मिश्र

By Peoplenepal काठमाडौँ, १२ असोज । राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष रवीन्द्र मिश्रले