एमाले नेतालेे भने- मधेसी मोर्चाका कार्यकर्ताले मेरी श्रीमती र बुहारीलाई लछारपछार गरे

Satya-narayan-mandal-768x460२८ चैत, काठमाडौं । नेकपा एमालेका सांसद सत्यनारायण मण्डलले मधेसी मोर्चाका नेताहरुले आफ्नो घरमा पसेर श्रीमती र बुहारीमाथि दुव्र्यवहार गरेको बताएका छन् ।

साथै उनले मधेसी मोर्चा नसुध्रिए आफूहरु पनि कानुन हातमा लिन विवस हुने चेतावनी दिए ।

व्यवस्थापिका संसदको सोमबारको बैठकमा विशेष समय लिएर बोल्दै एमाले सांसद मण्डलले मधेसी मोर्चाले लोकतन्त्रमा विश्वास गर्छन् कि गुण्डागर्दीमा भन्ने प्रश्न उठाए ।

संघीय समाजवादी फोरमका जिल्ला अध्यक्ष दिनेश यादवको नेतृत्वको समूहले ६० वर्षकी श्रीमती र २१ वर्षकी बुहारीलाई लछारपछार गरेको भन्दै उनले भने, ‘तथाकथित मोर्चाका मित्रहरुलाई अनुरोध गर्न चाहन्ँछु, राजनीति गर्ने म हुँ । मेरी आमा र श्रीमती के गरेको छ ? ’

सरकारबाट संरक्षित मधेसी मोर्चाले गुण्डागर्दी गरेको भन्दै उनले आफूहरु घरमा बस्न पाउने कि नपाउने भन्ने प्रश्न गरे । केही दिनअघि पार्टीका नेता सुमन प्याकुरेलको घरमा यस्तै भएको भदै उनले चेतावनीपूर्ण शब्दमा भने, ‘हामीलाई कानुन हातमा लिन विवस नगरियोस् ।’

 

photo

NOC1-250x300