एकसाता भित्र पदत्याग गर्ने प्रधानमन्त्रीको घोषणा

Rajapa_PM-5919598da37a14.66082043

१ जेठ , काठमाडौ : प्रधानमन्त्री पुष्पकमल दाहाल प्रचण्डले एक साता भित्र आफूले पद त्याग्ने घोषणा गर्नु भएको छ । राष्ट्रिय जनता पार्टीका अध्यक्ष मण्डलका सदस्यहरुसँग सोमबार बालुवाटारमा भएको भेटमा प्रधानमन्त्री प्रचण्डले एक साता भित्र आफूले व्यवस्थापिका संसदमा सम्बोधन गरेर पद त्याग गर्ने घोषणा गर्नु भएको हो ।

 ‘स्थानीय तहको पहिलो चरणको निर्वाचन सम्पन्न गरे,संविधान कार्यान्वयनको ढोका खोले,राष्ट्र र जनताका पक्षमा सत्तापक्ष र प्रतिपक्षले नसोचेको परिणाम हासिल गरे । अव तपाईहरुले उठाएका माग सम्बोधन हुने गरी संविधान संशोधन गर्ने मेरो लक्ष्य र उद्देश्य छ’बैठकमा प्रधानमन्त्री प्रचण्डले भन्नुभयो ‘बर्तमान सत्ता गठबन्धन कायमै रहन्छ । यो गठबन्धनले तपाईहरुका माग सम्बोधन हुने गरी संविधान संशोधन गर्छ ।’ काँग्रेस र माओवादी केन्द्र वीच गत साउनमा भएको भद्र सहमति अनुसार अव काँग्रेस सभापति शेरबहादुर देउवा प्रधानमन्त्री बन्नु हुनेछ । बैठकमा सहभागी राजपाका नेता राजकिशोर यादवले अन्नपूर्णसँग भन्नुभयो ‘प्रधानमन्त्रीले हामीलाई एक साता भित्र पदबाट राजीनामा दिने र त्यस अगाडि नै हाम्रो माग सम्बोधन हुनेगरी संविधान संशोधन गराउनेछु भन्नुभएको छ ।’ बैठकमा प्रधानमन्त्री प्रचण्ड राजपाका नेताहरु महन्थ ठाकुर,राजेन्द्र महतो,शरदसिंह भण्डारी,महेन्द्रप्रसाद यादव,राजकिशोर यादव र अनिलकुमार झा सहभागी हुनुहुन्थ्यो ।

 

 

photo

NOC1-250x300