उपप्रधानमन्त्री र राज्य मन्त्रीलाई आयोगको २४ घण्टे स्पष्टीकरण

२४ भदौ, काठमाडौं । निर्वाचन आयोगले उपप्रधानमन्त्री र राज्य मन्त्रीलाई आचारसंहिता उल्लंघन गरेको भन्दै स्पष्टीकरण सोधेको छ । उपप्रधान तथा स्थानीय विकासमन्त्री विजयकुमार गच्छदारलाई आचारसंहिता उलघंन गरेको भन्दै निर्वाचन आयोगले २४ घण्टे स्पष्टीकरण सोधेको छ ।election-commission_nirwachan-chunab_DaMk3sCMVa

फोरम लोकतान्त्रिकका अध्यक्ष समेत रहेका गच्छदारले वीरगञ्जमा गाडी तथा मोटरसाइकलहरूको ¥याली निकालेर निर्वाचन आचारसंहिता उल्लंघन गरेको आयोगले जनाएको छ ।

आयोगको निर्णयमा भनिएको छ, ‘निर्वाचन आचार संहिता उल्लंघन गरेवापत किन कारवाही गर्न नपर्ने हो ? २४ घण्टाभित्र स्पष्टीकरण पेश गर्न लगाउने ।’ आयोग पदाधिकारीको आज बसेको बैठकले उपप्रधानमन्त्री गच्छदारसँगै जलस्रोत राज्यमन्त्री अमर सिंह पुनलाई २४ घण्टे स्पष्टीकरण सोधको छ ।

राज्यमन्त्री पुनले जितपुर–सिमरा उपमहानगरपालिका–११ फत्तेपुरमा कांग्रेस कार्यकर्तालाई सरकारी गाडीमा राखेर निर्वाचन प्रचारप्रसार गर्दै हिँडेको भन्दै आयोगले स्पष्टीकरण मागेको हो ।

यस्तै आयोगले फोरम लोकतान्त्रिकका वीरगञ्ज महानगरका प्रमुखका उम्मेदवार विमल प्रसाद श्रीवास्तवलाई उम्मेदवारी किन रद्द नगर्ने भन्दै २४ घण्टाभित्र स्पष्टीकरण पेश गर्न भनेको छ ।

 

photo

NOC1-250x300