उत्तर कोरिया :अमेरिकाले युद्धको सुरुवात गर्यो

१० असोज, एजेन्सी ।

अमेरिकाले आफूविरुद्ध युद्धको सुरुवात गरेको आरोप उत्तर कोरियाले लगाएको छ । अमेरिकाले उत्तर कोरियामाथिबाट आफ्ना बमबर्षक लडाकु विमान उडाएपछि उत्तर कोरियाली विदेशमन्त्री रि योङ होको यस्तो प्रतिक्रिया आएको हो ।Kin-north-korea

विदेशमन्त्री रिले उत्तर कोरियाको आकाशमा उडेका अमेरिकी बमबर्षक विमान खसाल्ने चेतावनी समेत दिएका छन् । अमेरिकाले पटक पटक उत्तर कोरियासँग झगडा गरेर युद्धको सुरुवात गरेको र यो कुरा विश्वले थाहा पाउनुपर्ने पनि विदेशमन्त्री रिले बताएका छन् । अमेरिकी रक्षा मन्त्रालयले भने उत्तर कोरियाले युद्धका लागि अमेरिकालाई उक्साइरहेको र यो काम तत्काल बन्द गर्न चेतावनी दिएको छ ।

पछिल्लो समय अमेरिकाले उत्तर कोरियाको सीमा क्षेत्रमा बमबर्षक विमान उडाइरहेको छ । पछिल्लो समय उत्तर कोरियाले परमाणु परीक्षण गरेपछि अमेरिका र उत्तर कोरियाबिचको तनाव थप बढेको छ । परमाणु परीक्षणलाई लिएर उत्तर कोरियामाथिको प्रतिबन्ध अमेरिका तथा संयुक्त राष्ट्रसंघले थप कडा बनाएका छन् ।

 

photo

NOC1-250x300