‘उत्तर कोरियाले सेटेलाइटबाट अमेरिकामा आक्रमण गर्छ’

kim_john_un-5912c5c4f1ccb5.61119374

एजेन्सी : उत्तर कोरियाका राष्ट्रपति किम जोन उनको हत्या गर्ने अमेरिकी खुफिया एजेन्सी सिआईएको योजना बाहिर आएपछि उत्तर कोरिया अमेरिकासँग थप रुष्ट भएको छ । उत्तर कोरियाले जुनसुकै बेला आफूमाथि आक्रमण गर्न सक्ने हल्ला अमेरिकाले फैलाएको छ । रक्षात्मक रणनीति अपनाइरहेको उत्तर कोरिया हाल आक्रमक रुपमा प्रस्तुत भएको अमेरिकी ठहर छ ।

अमेरिकाका इएमपी टाक्सफोर्सका कार्याकारी निर्देशक ‘पिटर भिसेन्ट प्रे’ ले एक सञ्चार माध्यामलाई दिएको अन्तर्वार्तामा यस्तो दावी गरेका छन् ।

उत्तर कोरियाले सन २०१२ र २०१६ मा दुईवटा सेटेलाइट अन्तरिक्षमा प्रक्षेपण गरेको थियो । केएमएस ३-२ र केएमएस-४ नामका दुई सेटेलाइटले करीब डेढ घण्टामा पृथ्वीको फेरो मार्न सक्ने प्रेको दावी छ । यिनै सेटेलाइटको प्रयोग गरी उच्च कोटीका परमाणु हतियारको सहयतामा अमेरिकामाथि साइबर आक्रमण समेत गर्न सक्ने भन्दै प्रेले चिन्ता व्यक्त गरेका छन् ।

त्यसबाट सञ्चार सेवा अवरुद्ध हुनुका साथै वायुमण्डलको सन्तुलन नष्ट हुँदा हवाई यानहरु समेत उडाउन नसकिने अमेरिकी अधिकारी प्रेको दावी छ । यसबाट अमेरिकामा मात्रै नभएर विश्वभर असर पर्ने पनि उनी बताउछन् ।

 

 

photo

NOC1-250x300