उत्तर कोरियाले गर्‍यो अत्याधुनिक र उच्च क्षमताको रकेट इन्जिनको परीक्षण

kim-jong-north-koreaएजेन्सी, ६ चैत । उत्तर कोरियाले अत्याधुनिक र उच्च क्षमताको रकेट इन्जिनको परीक्षण गरेको छ ।

नेता किम जोन उनको प्रत्यक्ष उपस्थितिमा सरकारी सेनाले रकेट इन्जिनको सफल परिक्षण गरेको उत्तर कोरियाली सरकारी समाचार संस्था केसीएनएले जनाएको छ । परीक्षणपछि नेता उनले आफ्नो देशको रकेट उद्योगको नयाँ जन्म भएको र उत्तर कोरियाको रकेट क्षमता नयाँ स्तरमा पुगेको दाबी गरेका छन् ।

तर उत्तर कोरियाले दावी गरेको पछिल्लो परीक्षणका बिषयमा अन्तर्राष्ट्रिय समुदायले कुनै प्रतिक्रिया जनाएका छैनन् । अमेरिकी विदेश मन्त्री रेक्स टिलर्सनले चीनको भ्रमण गरे लगत्तै उत्तर कोरियाले रकेट परीक्षण गरेको हो ।

संयुक्त राज्य अमेरिका र चीनले उत्तर कोरियाद्वारा सिर्जना गरेको आणविक चुनौती खतरा समाधान गर्न सहकार्य गर्ने बताएलगत्तै उत्तर कोरियाले रकेट इन्जिन परीक्षण गरेर जवाफ दिएको हो ।

वासिङ्टनले उत्तर कोरियाली सुरक्षा चुनौती कम गर्न चीनको भूमिका महत्वपूर्ण हुने बताएको तर चीन यस विषयमा गम्भीर नदेखिएको बताउँदै आएको र चीनले उत्तर कोरियाली युद्धलाई थप तनावग्रस्त बनाउन वासिङ्टनको भूमिका सकारात्मक नरहेको परस्पर विरोधी अभिव्यक्ति आइरहेका बेला अमेरिकी विदेशमन्त्री रेक्स टिलरसनले पूर्वी एसियाली मुलुक जापान, दक्षिण कोरिया र चीनसँग गरेको भेट र छलफलले उत्तर कोरियाली आणविक कार्यक्रमको चुनौतीलाई मत्थर पार्ने नयाँ प्रयास शुरु गरिएको हो ।

अमेरिकी विदेशमन्त्री टिलरसनले चीनका विदेशमन्त्रीसँग गरेको छलफलपछि भनेका छन्, ‘अमेरिका र चीनले कोरियाली प्रायद्वीपमा देखिएको तनाव ‘उच्च खतरनाक’ अवस्थामा पुगेको भन्ने सवालमा समान धारणा आदानप्रदान भएको छ ।’

 

photo

NOC1-250x300