उत्तर कोरियाको मिसइल परीक्षणपछि अमेरिकामा खैलाबैला

missile-test

२१ असार , एजेन्सी । उत्तर कोरियाले लामो दुरीमा मार हान्न सक्ने मिसाईल परिक्षण गरे पछि अमेरिकासहितका शक्ति राष्ट्रमा खैलाबैला मच्चिएको छ ।

हिजो सामान्य मिसाइलको परीक्षण भएको दाबी गरेको अमेरिकाले आज एक महादेशबाट अर्को महादेशमा आणविक हतियारसहित मार हान्न सक्ने ईन्टरकन्टिनेन्टल ब्यालेस्टिक मिसाइलको उत्तर कोरियाले सफल परीक्षण गरेको जनाएको हो ।

अमेरिकी विदेशमन्त्री रेक्स टिलर्सनले जारी गरेको लिखित बक्तत्वमा उत्तरबाट अमेरिकालाई खतरा बढेको पुष्टि भएको उल्लेख गरेको बिबिसीले जनाएको छ । उत्तर कोरियाको पछिल्लो कदमलाई अमेरिकाले अन्तर्राष्ट्रिय सुरक्षा खतराको रुपमा ब्याख्या गरेको छ ।

विदेशमन्त्री रेक्स टिलर्सनले उत्तर कोरियाली कदमले अमेरिका तथा पुरै विश्वलाई खतरामा पारेको प्रतिक्रिया दिएका छन् । उत्तरले हिजो परिक्षण गरेको मिसाईलले यो मिसाईलले क्यानडाको पुरै भाग र अमेरिकाको अलास्कासहितको केही राज्यसम्म मार हान्न सक्ने समाचारमा उल्लेख छ ।

उत्तरले लामो दुरीमा मार हान्न सक्ने मिसाईल परीक्षण गरे पनि यसका लागि आवश्यक आणविक हतियार भने उसँग नभएको अमेरीकी दाबी छ । यसैबिच अमेरिकाले उत्तर कोरियाकोको पछिल्लो कदमको बिषयमा छलफल गर्न संयुक्त राष्ट्रसंघ सुरक्षा परिषद्को आपतकालिन बैठक डाकेको छ ।

 

photo

NOC1-250x300